། ཁ་བའི་རང་བཞིན། ། ཁ་བ་བབས་རྗེས ཕ་ཡུལ་གྱི་ངོ་གདོང་ཁ་བ་བཞིན་དུ་དཀར ཡུལ་མི་དག་གིས་མིག་ཟུང་ཁ་བར་འཐུམས་ནས གནའ་མིའི་ངག་རྒྱུན་གྱི་ལྷ་སྒྲུང་ཆག་རོ་དེ ཧ་ཅང་དད་སེམས་ཀྱིས ཡང་ན་སྤྲོ་སྣང་དང་བཅས་ཏེ ཁོ་བོར་ཁ་བའི་རང་བཞིན་བསྒྲགས ཁ་བ་ནི་མ་གཞི་ནས་དཀར་པོ་ཡིན་ཟེར ༢༠༡༥།༣།༢༥
ཀ་དག་ལྷུན་གྲུབ་རིག་པ་བྱང་ཆུབ་ཀྱི་སངས་རྒྱས།། ཁ་དོག་རང་མདངས་ལྔ་ལྡན་ལོངས་སྤྱོད་ཀྱི་རྫོགས་སྐུ།། གང་འདུལ་ཐབས་ལ་མཁས་པའི་འགྲོ་འདུལ་གྱི་སྤྲུལ་སྐུ།། ང་བྲལ་དྲན་པ་ནམ་མཁའ་སྙིང་དབུས་སུ་བཞད་འདུག།
འདི་ནས་ཤར་ཕྱོགས་ལེ་དབར་བརྒྱད་སྟོང་ན།། ཆུང་ཆུང་ས་གཞི་ཟླུམ་པོའི་སྤྱི་གཙུག་ཐོག། མཐའ་བཞི་སྟོབས་ཀྱིས་བཟུང་བའི་རྒྱལ་ཁམས་ཏེ།། གངས་ཅན་བོད་ཅེས་བྱ་བའི་ཡུལ་ཞིག་ཡོད།།
G.B.C.ལ་བྲིས་པའི་སྙིང་གཏམ་གཅེར་མཐོང་མ། ། ལྷ་ཆེན་ཚངས་པའི་སྲས་མོ་མིན་ཡང་། ། ལྷ་མོ་འདྲ་བའི་གཡུ་ཆུང་དྲུག་དཀར། ། སྐད་ངག་ཁུ་བྱུག་སྔོན་མོ་མིན་ཡང་། ། ཁ་ཚིག་འཇམ་པའི་གཡུ་ཆུང་དྲུག་དཀར། །
༈ སྟོན་དུས་སྔོན་མ། ། སེམས་ན་དབྱར་ཁ་ཚེས་པའི་དུས་ཚིགས་ཤིག་ཡོད།། ཉི་མ་ནུབ་རི་གན་ནས་མ་བརྒྱུད་གོང་ཡིན།། སྡོང་མགོའི་ལོ་མ་དག་ཀྱང་མ་འཐོར་སྔོན་རེད།། ང་ཡི་ཕྱེ་ལེབ་དག་ཀྱང་ཡར་མར་ལྡང་དུས།། ང་ཡི་རྐང་རྗེས་དེ་ལ་ལྗང་ལོ་འབུས་མྱོང་།། རེ་བའི་ཉི་མ་ཞིག་ཀྱང་མཚན་མོར་ཤར་མྱོང་།། དེ་དུས་སང་ཉིན་ཞིག་གི་ས་བཀྲ་བྲིས་ཡོད།། ང་དང་ཁོ་མོ་ཁོ་ནའི་འཇིག་རྟེན་ཡིན་མོད།། ལྭ་བ་འཁྱག་པ་གྱོན་པའི་ནངས་མོ་ཞིག་ལ།། སྨྲེང་བ་ཁོ་ན་ཡིན་པའི་ཕར་འགྲོའི་མགྲོན་པོས།། བདག་གི་ཅི་ཞིག་ཁྱེར་ནས་གང་ལ་བུད་འགྲོ།། གདུང་བའི་རྒྱབ་གཟུགས་དེ་དག་གང་དུ་སྦས་དགོས།།