། ་་་་་་་་་་་་དགེ་སློང་བསྟན་པ་འབྲུག་གྲགས་ལགས་ནི་1958ལོར་ཡབ་སྒང་བ་དགྲ་བླ་དང་ཡུམ་ཤིང་འགབ་ཀླུ་རིས་གཉིས་ཀྱི་སྲས་སུ་ངོ་མཚར་དང་ལྟས་བཟང་ཅི་ཡང་མེད་པར་སྤྱིར་བཏང་གི་མི་བུ་ནང་བཞིན་མགོ་ཆེ་ལྕོག་གི་ཀད་ག་ཚང་ཅེས་པའི་དུད་ཁྱིམ་ཞིག་ཏུ་ཚེ་སྲོག་གི་དབྱངས་རྟ་ཕྲ་མོ་ཐོག་མར་ཐིམ་པ་ནས་བཟུང་། རིག་གནས་ཀྱི་གཡང་སྒམ་ཆེན་པོ་ཞིག་བོད་ན་ལྷུང་ཡོད་ཅེས་བཤད་ན་འུར་མི་ཆེ་སྙམ།
བློན་ཚང་བསྟན་ཁོ་ནི། སྤྱི་ལོ་ ༡༩༩༠ ལོར་གནས་མཆོག་རྔ་གཡང་ཕྱུག་མོའི་ཡུལ་དབུས་མཁའ་འགྲོའི་སྨན་གདོང་ཆེན་མོ་ཉེ་འགྲམ། བློན་ཤོག་ཁག་བཞི་ཡི་ནང་ཚན་ཆ་བོའི་རྒྱ་ཚང་སང་ཞེས་པའི་རོང་པའི་ཁྱིམ་གཞིས་ཞིག་ན། དྲིན་ལྡན་ཕ་མ་གཉིས་ཀྱི་བྱམས་པ་དང་བརྩེ་བའི་ཁུད་ནས་མི་ཡུལ་འགྲིམ་པའི་ངུ་ངག་གི་དབྱངས་རྟ་ཐོག་མ་གྱེར་ཞིང། རིམ་བཞིན་ཁོང་ཚང་གི་སྤོ་བོ་དང་སྤོ་མོ་གཉིས་ཀྱིས་གཉོར་སྐྱོང་འོག་ནས་བྱིས་དུས་ཀྱི་འཚོ་བ་སྐྱིད་མོ་རིམ་བཞིན་ལོངས་སུ་སྤྱོད་དེ་ལོ་ངོ་བརྒྱད་ལ་སོན་པ་ན། ས་གནས་དེ་གའི་བློན་ཚང་ཡུལ་ཚོའི་སློབ་ཆུང་དུ་གསར་ཞུགས་བྱས་ཏེ། རྒྱ་ཡིག་དང་གྲངས་རྩིས་རིག་པ་སོགས་མི་ལོ་གཉིས་ཀྱི་ཡུན་ལ་སྦྱང་ཙམ་བྱེད་མྱོང་། །་་་་་་་་་་་་་སྤྱི་ལོ་ ༡༩༩༩ ལོར་བོན་གྱི་འདུས་སྡེ་ཆེན་མོ་མདོ་སྨད་སྣང་ཞིག་དགོན་ཆེན་གྱི་ཚོགས་གྲལ་དུ་ཞུགས་ཤིང་སྣང་ཞིག་སྐྱབས་མགོན་རིན་པོ་ཆེ་མཆོག་དང་རྒྱལ་ཚབ་བསྟན་འཛིན་དབང་རྒྱལ་རྣམས་གཉིས་ཀྱི་གཙོས་པའི་མཁན་སློབ་དཔང་པོ་བཞི་འདུས་ཀྱི་དྲུང་ནས་གཙང་མ་གཙུག་ཕུད་ཀྱི་སྡོམ་ཁྲིམས་བཞེས་ཏེ་རབ་ཏུ་བྱུང་ཞིང་མཚན་ལ་ཤེས་རབ་བློ་གྲོས་གསོལ། ལོ་དེར་ཞང་པོ་ཕུན་ནེ་འམ་དྲང་སྲོང་ལྷུན་གྲུབ་རྒྱ་མཚོ་མཆོག་དགེ་རྒན་དུ་བསྟེན་ནས་རིག་གནས་ཀུན་གྱི་གཞི་མ་འཕྲུལ་ཆེན་ཡི་གེ་བཞི་བཅུའི་ཡིག་རིས་དངོས་འཛིན་ཚུལ་ལ་སློབ་འགོ་བཟུང་པ་ཡིན། སྤྱིར་ངེད་ཚང་གི་ཞང་བོའི་སྒྲིག་གཞི་ལྟར་ན་སྔ་མོ་ནམ་ལངས་ནས་ཆུ་ཚོད་གཅིག་ལྷག་ལ་སྦྱོང་བ་བྱས་རྗེས་ཞོགས་ཇ་བཞེས་པའི་དུས་ཡིན་ལ། ཇ་ཐོག་དེར་ཞང་པོ་ནས་ངེད་སྤུན་མཆེད་ཚང་མར་འདྲ་མཉམ་དུ་སྣུམ་ཀོར་གཉིས་རེ་གནང་སྟེ་གཏོས་ཁ་དང་མཉམ་དུ་བཞེས་རྒྱུ་ནི་ཕལ་ཆེར་སྲོལ་རྒྱུན་ལྟ་བུ་ཡིན་ཞིང་། དེ་ནི་ང་ལ་མཚོན་ན་ཆེས་ཞིམ་པའི་བྱིས་དུས་ཀྱི་ཟ་མ་ཡིན་སྟབས་ཞོར་འཕྲོས་ཀྱི་ཚུལ་དུ་གླེང་བ་ཡིན། ཞོགས་ཇ་བཞེས་ནས་ཆུ་ཚོད་ ༡༢་༣༠ བར་དུ་སྔ་དྲོའི་སློབ་ཐུན་དང་། ཕྱི་དྲོ་ཆུ་ཚོད་བཞི་ནས་ས་མ་རུབ་ཀྱི་བར་དུ་སྦྱང་རྒྱུ་ནི་དབྱར་དགུན་གང་ཡིན་ཡང་གཅིག་མཚུངས་ཡིན། ཉིན་གུང་ཆུ་ཚོད་༡ ནས་ ༤ བར་ངལ་གསོའི་དུས་ཚིགས་ཡིན། དེའི་ཡུན་ལ་རྩེད་དགོད་དང་བག་ཡངས་ཅི་འདོད་བྱེད་ཆོག་པ་ལས་བྱ་བ་གཞན་ལ་དགག་བཞག་གང་ཡང་མེད། དེ་ལྟ་བུའི་ལྷག་བསམ་དང་བཀའ་དྲིན་ཁོ་ནས་ཕྱུག་པའི་ལམ་བཟང་དེར་ཞུགས་མ་ཐག་པའི་བློན་ཚང་བསྟན་ཁོ་ནི། ལོ་ངོ་བཅུ་ལོན་ཙམ་གྱི་གྲྭ་ཕྲུག་ཆུང་ཆུང་ཞིག་ཡིན་པ་ལས། མ་འོངས་པའི་མདུན་ལམ་དང་ཤེས་རིག་གི་དཔལ་ཡོན་ལ་བསམ་གཞིག་དེ་ཙམ་གཏོང་མི་ཤེས། འོན་ཀྱང་སྐྱེ་སྔོན་བསགས་པའིི་བག་ཆགས་ཀྱི་མཐུ་ཡིན་ནམ། ལྷན་ཅིག་སྐྱེས་པའི་ཤེས་རབ་ཀྱི་བཅུད་གང་ཡིན་མ་ངེས་པར་ཁོ་ལ་དགའ་ཕྱོགས་ཤིག་ཡོད་པ་ནི། ཡིག་གཟུགས་དང་རི་མོ་ཡིན་སྟབས། ཉིན་གུང་གི་ངལ་གསོའི་དུས་སྐབས་དང་བསྟུན་ནས་ཡིག་རིས་དང་བྱེའུ་སྣ་ཚོགས་ཀྱི་གཟུགས་རིས་བྲིས་ཏེ་ལེགས་པོ་ཞིག་ཐོན་ཡོད་མེད་བལྟ་རྒྱུ་ནི་སྒྲོ་མ་བཏགས་པའི་དངོས་ཡོད་ཀྱི་གནས་ཚུལ་ཡིན། དེ་ལྟ་བུའི་གོམས་གཤིས་དང་འགྲོག་སྟེ། ཚོགས་དང་འཆད་རའི་འདོན་པ། ཡི་དམ་དང་སྲུང་མའི་སྒྲུབ་གཞུང་སོགས་ལ་སྦྱོང་བ་བྱས་ཤིང་། དེ་དག་གི་སྔ་གཞུག་ཏུ་རྒན་གཙུག་ཕུད་འོད་ཟེར་ཡང་དགེ་རྒན་དུ་བསྟེན་ནས་བོན་ཕྱི་ནང་གསང་གསུམ་གྱི་ཆོ་གཆེ་ཆུང་སོགས་མདོར་ན་འདོན་པའི་སྡེ་རྣམས་སྦྱོང་བ་ཕུལ་ཏུ་ཕྱིན་པ་བྱས།
ངོ་སྤྲོད་མདོར་བསྡུས། ཡོངས་གྲགས་སུ་རྔ་བའི་ཚོང་བ་བོན་ཚེ་ཞུ་བ་ནི་ཨ་མདོ་རྔ་བའི་ཁ་ཤུལ་ཡུལ་ཚོའི་བོན་ཚང་ཁྱིམ་མིང་དུ་བོན་རྒན་ཚང་ཞེས་པར་སྐྱེས་པ་དང་། ཁོང་གིས་ཐོག་མཐའ་བར་གསུམ་དུ་བོད་གངས་ཅན་པའི་ཤེས་རིག་འཕེལ་རྒྱས་ཐད་གྲུབ་འབྲས་འབུར་དུ་ཐོན་པའི་ཕྱག་ལས་གནང་ཡོད། ཚེ་རིང་ལགས་ནི་(གངས་ལྗོངས་ཚོང་པའི་སློབ་གྲྭའམ་རྔ་བ་རྫོང་མི་རིགས་བཅའ་སྡོད་སློབ་ཆུང་)གསར་འཛུགས་གནང་མཁན་དེ་ཡིན། ད་ལན་འདི་ག་རྒྱལ་གཤེན་བོན་སྒྲས་དངོས་ཤུགས་རྒྱུད་གསུམ་ནས་འབད་པ་བྱས་ཏེ་བོན་རྒན་ཚེ་རིང་གི་ལོ་རྒྱུས་མདོར་བསྡུས་ཞིག་ཁོང་གིས་གང་གསུངས་པ་ཡིག་ཐོག་ཏུ་བཀོད་དེ་འདིར་ཕུལ་ཡོད།
ཁྱུང་ཡུལ་སྙུ་གུ་ལྡིང་འགྱུར་གྱི་སྒྱུ་རྩལ་པ་མ་ནུ་བོན་ཉིད་རྣམ་དག་གི་མི་ཚེའི་ལོ་རྒྱུས། མ་ནུ་རྣམ་དག་གི་ལོ་རྒྱུས་ངོ་སྤྲོད་འདི་རང་དང་ཐ་དམ་གཅིག་པའི་གཡུང་དྲུང་སྤུན་གྲོགས་ལྷག་བསམ་ཅན་འགའ་དང་། ཉེ་ཆར་རང་གི་མཆེད་གྲོགས<རྒྱལ་གཤེན་བོན་སྒྲའི་>རྩོམ་སྒྲིག་ཚོགས་མི་རྔ་རང་རིག་ཁོང་གིས་སྤྱིར་ད་ཡོད་བོན་གྱི་རིག་གཞུང་གི་སྒྱུ་རྩལ་མི་སྣ་དང་། ཤུལ་འཛིན་མི་སྣ་བཅས་ཀུན་གྱིས་ཤེས་རྟོགས་དང་འབྲེལ་འདྲིས་ཡོང་ཆེད་དང་། ཁོང་གིས་ལྷག་པར་དུ་ཕྲན་ལ་ཁྱོད་ཀྱི་ད་ཡོད་ཨ་མྱེའི་སྐོར་ནས་མི་སྣ་ངོ་སྤྲོད་ཆེད་འདི་ལྟར་བྲིས་ན་དགེ་མཚན་ཆེ་ཚུལ་གྱི་བློ་གྲོས་ཟབ་མོས་ཕྲན་ལ་སྐུལ་མ་བཏབ་པ་དང་། ལྷག་པར་དུ་མི་ཡི་ལོ་རྒྱུས་མི་ཡིས་མ་བྲིས་ན། བྱ་རྡོ་ཐོག་ནས་འཕུར་ཚར་རྗེས་ཤུལ་གང་ཡང་མེད་པ་བཞིན། མི་ཐོག་རྒན་པ་རྫོགས་ཚར་རྗེས་དེའི་ལོ་རྒྱུས་དང་རྗེས་ཤུལ་གྱི་རྗེས་བཞག་སོགས་གང་ཡང་གླེང་རྒྱུ་མེད་པ་དང་།གལ་སྲིད་མི་དེ་བྱས་རྗེས་ཅན་ཡིན་ཡང་བྱས་རྗེས་དང་རྗེས་བཞག་དེ་དག་མི་རབས་རྗེས་མའི་ལག་ཏུ་ཡོད་ནའང་ལོང་བའི་ལག་ཏུ་རྫས་ཁྲ་བོ་གཏད་པ་བཞིན་བྱུང་ཁུངས་དང་རྒྱུ་མཚན་ཤོད་མི་ཐུབ་པ་བཤད་རྒྱུ་མེད་པ། ངོ་མི་ཤེས་པ་སོགས་ང་ཚོའི་མི་རབས་ལ་མཚོན་ན་མི་ཐོག་རྒན་པས་དེའི་ཐོག་འགན་མ་ཁུར་བའི་སྐྱོན་མང་པོ་ཞིག་མཐོང་ཐོས་བྱུང་པ་སོགས་ཀྱིས་བསྐུལ་ཏེ་ཚིག་ཉུང་དོན་འདུས་སུ་འདི་ལྟར་བྲིས་ཁུལ་ཡིན།
ད་ལྟའི་དུས་འདིར་དགོན་སྡེ་ཚད་ལྡན་ཞིག་བྱ་དགོས་ན་གཙོ་བོ་འཆད་ཉན་གྱི་སྡེ་མེད་པ་ནས་ཡོད་པ་དང་། ཉམས་པ་རྣམས་གསོ་སྐྱོང་གི་བྱ་བས་བཤད་སྒྲུབ་སློབ་གཉེར་བ་མང་པོ་རྩ་འཛུགས་དང་གཉོར་སྐྱོང་བྱས་ཏེ། འཆད་ཉན་ཟབ་མོའི་སྒོར་འཇུག་དགོས་རྒྱུ་ནི་༧རྗེ་སྨན་རི་བ་ཆེན་པོའི་ཞལ་སྔ་ནས། དགག་སྒྲུབ་ཚུལ་ལ་མཁས་པ་ཡི། །སྐྱེས་བུ་དེ་ནི་བསྟོད་འོས་ཏེ། །བདེ་ཆེན་ལམ་སྟོན་སངས་རྒྱས་ཀྱི། །བསྟན་པ་དེ་ཡིས་འཛིན་པ་ཡིན། །ཞེས་གནད་ཆེན་པོའི་སྒོ་ནས་གདམས་པ་ལྟར།