རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་དགོངས་པ་བོན་དབྱིངས་སུ་ཐིམ་ནས་དགོངས་ཞག་ལྔ་བཅུ་འཁོར་བའི་རྗེས་དྲན་གྱི་ཚུལ་དུ་ཕུལ་བ། /   སྔོན་གླེང་། / ་་་་་་་་་་་་་་མི་ཡུལ་འདིར་གནའ་ནས་ད་བར་དུ་སྐར་ཆེན་ལྟ་བུའི་སྐྱེས་བུ་དག་གི་བློ་གྲོས་ཀྱི་འོད་སྣང་ལ་བརྟེན་ནས་འཚོ་ཐུབ་པར་བྱུང་ཞིང་། དེ་འདྲའི་སྐྱེས་ཆེན་དག་གི་བློ་གྲོས་ཀྱི་ཉིང་བཅུད་དང་། ཤེས་རབ་ཀྱི་གཟི་དཔལ། རྨད་དུ་བྱུང་བའི་མཛད་པ་བཅས་ཀྱིས། འཇིག་རྟེན་འདིར་ཡར་འཕེལ་མར་འགྲིབ་ཀྱི་བསྐལ་པ་ཇི་ཙམ་ཚེས་པ་དེ་སྲིད་དུ་རླབས་ཆེན་གྱི་ཕན་བདེའི་ཉི་གཞོན་མངོན་པར་བཏེགས་བཞིན་གནས་ཡོད།

སྨུག་སྤྲིན་ལང་ལོང་གི་ཁྲོད་ན།། ཅི་ཞིག་བོར་བ་དང་འདྲ་ཞིང་།། གང་ཞིག་དོར་བ་ཡི་ཉམས་ཀྱི།། ཐོབ་རྒྱལ་ལ་འགོ་རུ་སླེབ་སོང་།། /

མཁའ་ཡི་ཉི་མ་ནུབ་པའི་དགོང་མོ་སྟེ།། དོག་གི་དྭ་ཕྲུག་ངུས་པའི་མིག་སྒོ་རུ།། སྣང་སྲིད་མིག་ཆུ་རློན་པའི་འཇིག་རྟེན་ཞིག།། འཛམ་གླིང་གོ་ལ་ཧྲིལ་པོའི་ཁྱོན་དུ་ཚེས།།

ཕྱི་རུ་གད་སྙིགས་མང་ན་ཡང་།། ནང་དུ་སེམས་ཁམས་སྐྱིད་པ་ཡི།། རྡུལ་གྱིས་གཡོག་པའི་སྲང་ལམ་ནས།། རེ་ཞིག་མཐོང་སྣང་འདི་འདྲ་བྱུང་།།