འཇིག་རྟེན་སྣང་བ་ཟེར་ཡ།། གློའུ་རེད་ཟེར་མཁན་ཡོད་ཀྱང་།། འབྲོག་མོ་ཚིལ་དྲེག་ཅན་རེ།། མཐོང་ན་ཆགས་པ་སྐྱེ་ཡོང་།།

། རང་ཉིད་སུ་ཞིག་ཡིན་པ་སེམས་ལ་ལྟོས།། གཞན་དེ་སུ་ཞིག་ཡིན་པ་ལུས་ལ་ལྟོས།། ལུས་སེམས་གཉིས་ཀ་མཐོང་བའི་བཞི་མདོ་ནས།། རང་ཉིད་གང་ལ་བགྲོད་པའི་ལམ་ལ་ལྟོས།།

 ། རླུང་ནག་ཚུབ་མའི་བར་གླེགས་དེ་ན་སེམས་ཀྱི་བར་དོ་གསར་བ་བདོ།། འཚོ་བའི་གས་སྲིབ་སྐྱ་མོ་དེ་རུ་སེམས་པ་ཤི་བའི་དུར་བྱང་བཙུགས།། མཁའ་ཡི་དྭངས་གཙང་གཡའ་རུ་འགྱུར་དུས་སེམས་པའི་གློག་ཞགས་ཇེ་རྒོད་རེད།། ཨེ་མ་སེམས་འདི་དགའ་སྡུག་རྒོད་པས་ཁྱོད་ནི་མཐུར་མེད་གཤོག་ཐོགས་རེད།།

ས་ཡོམ་ཐེངས་ཤིག་གིས ཡུལ་ཤུལ་ཐལ་བར་གཏོར་སོང ས་ཡོམ་ཐེངས་ཤིག་གིས ཡུལ་ཤུལ་དམ་དུ་བཅིངས་སོང

། གསེར་གྱི་མཆོད་རྟེན དངུལ་གྱི་རྒྱལ་མཚན གནས་འདི་ན་ཉི་འོད་དང་ལྷན་དུ་འཚེར