། རྒྱལ་ཀུན་གསང་གསུམ་འོད་ཀྱི་འཁོར་ལོ་གཅིག་ཏུ་འཛུམ་པའི་གོང་བུ་ལས།། མཁྱེན་དཔྱོད་ཟླ་དཀར་རླབས་ཀྱི་ཕྲེང་བ་སྐྱེ་དགུའི་ཕྲག་པར་འཛུམ་པའི་གཟི།། གསོ་བྱེད་སྨན་གྱི་ལྗོན་པས་མཛེས་པའི་དབེན་པའི་གནས་ཀྱི་རྩེར་འཕགས་ཏེ།། བཀའ་གསུང་བོན་གྱི་སྒོ་བརྒྱ་འབྱེད་མཁས་སྨྲ་སེང་བླ་མར་བརྟན་བཞུགས་གསོལ།།

། ཁ་སང་བོར་ཟིན་པའི་ལོ་ཟླ་དེ་དག་ནི།། དེ་རིང་རྙེད་ཟིན་པའི་རྒས་གཉེར་དག་ཡིན་ནམ།། ཡང་ན་རྙེད་འགྱུར་གྱི་འཆི་ལམ་ཕྲ་མོ་ཡིན།། མ་གཞིར་མི་ཚེ་ནི་དྲི་བ་རྐྱང་བ་ཡིན་ནམ།།

རྟ་དམག་བྱེ་བའི་རུ་དཔུང་མེ་རི་འཕྱུར།། དཔའ་བོའི་ཀི་སྒྲས་བྲག་གི་རི་བོ་བསྙིལ།། དགྲ་དཔུང་རྩྭ་ཕུང་མེ་ལྕེས་བཅོམ་བཅོམ་བྱས།། ང་ཡི་མེས་པོས་ས་ཆེན་གཏིང་ནས་བསྒུལ།།

  སྣང་གསལ་འོད་ཀྱིས་གང་བ་ནམ་མཁའི་ཁྱོན།། མཛེས་སྡུག་སྤྲིན་གྱི་འདབ་མ་བརྩེཊ་པའི་གཞི།། ངོ་མཚར་འཕྲུལ་གྱི་གཤོག་པའི་གུར་ཁྱིམ་ནང་།། ཆོས་སྤྱོད་འཕྲུལ་གྱིས་བསླུས་པའི་བཙུན་པ་ཞིག།

  ཕྲན་ལ་དེ་ཡི་རྡོག་སྒྲ་དང་ནི་གྲིབ་མར་རོལ་བའི་དུས་ཤིག་བསྩལ་བས།། སྡིག་པའི་ལྗོན་པ་རླུང་གིས་བསྐྱོད་དེ་སྒྲ་དབྱངས་སྙན་གྱི་བུ་གར་སིམ་ཚེ།། རབ་ཏུ་ཚ་བའི་འདོད་པ་འཕྱོ་སའི་སྨད་འཚོང་མ་རྣམས་གཅིག་ཏུ་བསྡུས་འདྲའི།། བདག་གི་མདུན་གྱི་གོང་བུ་འདི་ལ་མིག་གི་རྒྱལ་མོས་ཟིལ་བ་ཕབས་པར།། ལམ་དང་ཉི་མའི་ཐ་གུར་ཁེན་པའི་རྒན་མོ་དག་ཀྱང་ཀུན་ཏུ་ཁྲོས་ནས།།