དགེ་འདུན་ཆོས་འཕེལ་མཆོག་ནི། ང་ཚོ་བོད་ཀྱི་བསམ་བློའི་བཀག་རྒྱ་ལས་བརྒལ་བའི་མི་ཤེས་རབ་ཅན་ཞིག་རེད། ཁོང་གིས་བརྩམས་པའི་ཀླུ་སྒྲུབ་དགོངས་རྒྱན་དང་། དེབ་དཀར། གཏམ་རྒྱུད་གསེར་ཐང་། གཤིས་སྤྱོད་བཅས་ལ་བསམ་བློའི་ཤེས་རིག་གི་སྒོ་མོ་འབྱེད་པའི་ནུས་ཤུགས་དམིགས་བསལ་བ་ཞིག་ཏན་ཏན་འདུག
། བརྡ་འཕྲིན་གློག་ཞགས་འཁྱུག་པའི་ངོས་ནས་བླ་མ་དམ་པའི་སྐུ་པར་མཇལ།། མི་སྙན་ཚིག་ཚོགས་འཕྲེང་བའི་བར་དུ་ཞིང་ཁམས་གཞན་དུ་ཕེབས་སོང་ཞེས།། རྒྱང་རིང་ཞིག་ནས་ངུ་འབོད་ཚོགས་ཀྱིས་བདག་གི་རྣམ་ཤེས་ཧད་ཀྱིས་དཀྲོཊ།། ཕང་སེམས་སྐྱོ་གདུང་མུན་པ་ནག་པོས་འཇིག་རྟེན་ཡོད་ཚད་མོག་པོར་བརྫིས།། ། རྒྱལ་གཤེན་བསྟན་པའི་དབུ་འཕང་མཐོན་པོ་ཨ་སྔོན་གནམ་ལ་ཁྱེད་ཀྱིས་བསྟད།། བཤད་སྒྲུབ་བསྟན་པའི་རྒྱལ་མཚན་རིང་མོ་ཕྱོགས་བཞིའི་ཁྱོན་དུ་ཁྱེད་ཀྱིས་ཕྱར།། ལུང་རྟོགས་བདུད་རྩིའི་ཆུ་རྒྱུན་གཙང་མ་གདུལ་བྱའི་སེམས་སུ་ཁྱེད་ཀྱིས་བསྩལ།། གཡུང་དྲུང་བསྟན་པའི་དེད་དཔོན་ཉིད་ཀྱི་བཀའ་དྲིན་སུས་ཀྱང་གཞལ་དུ་མེད།། / རྨོངས་མུན་བསྲེག་པའི་མེ་ལྕེ་དམར་པོ་དབང་ཕྱོགས་ཆུ་ལྷའི་པང་དུ་གཟིམས།། རིན་ཆེན་ས་ཡི་རང་ཚུགས་བརྟན་པོ་ས་བདག་རྒད་པོས་ཐེངས་གཅིག་གཡོས།། ཡར་ཀླུང་གཙང་བོའི་རླབས་སྒྲ་སྙན་མོ་དགུན་ངར་འཁྱག་གིས་སྦུབས་སུ་བཙུད། མི་མཐུན་རྒུད་པའི་ཕྱེ་མ་གཏོར་བྱེད་རླུང་བུ་འཇམ་པོའི་གཡུག་མཚམས་ཆད།། / སངས་འཕགས་རྣམས་ཀྱང་གདུལ་བྱའི་ཁམས་ལ་མི་རྟག་སྒྱུ་མའི་རོལ་རྩེད་དམ།། རེ་ཞིག་བདེར་གཤེགས་རྒྱལ་སར་འགྲིམས་པའི་ལམ་དང་སྲོལ་ཞིག་མཆིས་ན་ཡང་།། ནམ་ཞིག་བདག་ཅག་འགྲོ་བའི་ཚོགས་རྣམས་རྗེས་ཆགས་བརྩེ་བས་མི་འདོར་བར།། འཁྲུལ་བྲལ་ཡང་སྤྲུལ་ཉིན་བྱེད་གཞོན་ནུས་བསྟན་པའི་རྒྱལ་མཚན་རྒྱུན་སྐྱོངས་ཀྱེ།། / གཡུང་དྲུང་བོན་གྱི་བསྟན་པའི་གསལ་བྱེད་རྔ་ཡུལ་རྟོགས་ལྡན་དགོན་གྱི་བླ་མ་༧ཁྲི་བ་འཇམ་དབྱངས་མཁྱེན་རབ་རྒྱ་མཚོ་དཔལ་བཟང་པོ་མཆོག་དགོངས་པ་གཞན་དུ་གཤེགས་པའི་གནས་ཚུལ་ཐོས་རྗེས་མགོན་པོ་གང་གི་ཕྱི་ནང་གསང་གསུམ་གྱི་ཡོན་ཏན་ལ་དཔྱད་གསུམ་དག་པའི་ལམ་ནས་དད་པའི་མེ་ཏོག་རང་སར་གྲོལ་བའི་སྐལ་བཟང་འབྲས་བུ་སྙིང་ཁར་སིམ་པ་བྱ་འཕུར་བླ་མ་དགེ་བཤེས་ལྷུན་གྲུབ་རྒྱ་མཚོས་༼རྒྱལ་གཤེན་ཞང་བོད་སློབ་གཉེར་ཁང་།༽གི་རང་ཤག་ལྔ་རིག་སྨྲ་བའི་གྲུ་ཆུང་དུ་བྲིས་ཏེ་ཕུལ་བ་འདིས་༧དཔལ་ལྡན་བླ་མ་དམ་པའི་བྱིན་རླབས་ཀྱི་འོད་སྣང་སྙིང་ལ་འཐིམ་ཞིང་། འཁྲུལ་བྲལ་ཡང་སྤྲུལ་ཉིན་བྱེད་གཞོན་ནུའི་མཁྱེན་རབ་ཡེ་ཤེས་ཀྱི་དཔལ་ཡོན་ལ་ནམ་ཞིག་ལོངས་སུ་སྤྱོད་པའི་སྨོན་འདུན་དང་བཅས་ཏེ་ཕུལ།།
གཅིག༽ ང་ནི། མཐོ་སྒང་གི་གངས་རི་ཞིག་ཡིན། ངའི་དབུ་རྩེ་དང་། ངའི་མངའ་ཐང་། ནམ་མཁའ་དང་འདྲེས་པ་ནས་བཟུང་།
། འབྲོག་སྡེའི་ལྷས་ལ་འཁོར་བའི་ཡིད་ཀྱི་སྣེ་མོ།། ནོར་ནག་རྗེས་སུ་ཤོར་བའི་སྙིང་གི་གོམ་ཁ།། ནམ་མཁའི་མཐའ་ལ་དེད་པའི་སྲིད་པའི་མུ་ཏིག།
དཔའ་བོ་འབྲུ་ལྔ་ཕྱག་གི་སོར་མོས་བླངས།། འབྱུང་བ་ལྔ་བོ་ཉིང་ཁུའི་བཅུད་དུ་དྲིལ།། ཕོ་མོ་མ་ནིང་སྲོག་གི་གཡང་དུ་ཆགས།། བོད་ཡིག་གསེར་གྱི་འཕྲེང་བ་བོད་ཀྱི་ཡིན།། / ཀ་སོགས་སུམ་ཅུ་ཀ་ལིའི་མཚན་དུ་བདག། ཨ་ལི་དབྱངས་ཀྱི་འགྱུར་ཁུགས་ཁྲི་སྟོང་གིས།། འཕྲུལ་ཆེན་ཡི་གེ་བཞི་བཅུའི་རྣམ་གྲངས་ཤིག། ཆུ་བོ་བཞི་འདུས་མགོ་རུ་དལ་གྱིས་བབས།། ། མི་རིགས་ཤིག་གི་སྲོག་སྙིང་ཁུར་དུ་བཞེས།། ཆོལ་ཁ་གསུམ་ཞེས་མཚན་གྱི་གྲུབ་ཚུལ་ཡང་།། ཕ་མེས་ཡིག་རྒན་བཞི་བཅུའི་མཛེས་རྩལ་ལས།། འོང་བ་དོན་དམ་ཞིག་གིས་བདེན་དཔང་བྱེད།། ། འཕོ་ཆེན་ཉེར་བཞི་འཇའ་རུ་དེང་ཚུལ་དང་།། གྲུབ་ཆེན་བརྒྱད་ཅུ་མཁའ་ལ་འཕུར་ཚུལ་སོགས།། མདོར་ན་ཡིག་རྒན་བཞི་བཅུའི་དབྱངས་ཡིན་པས།། བསྐལ་བ་མ་སྟོང་བར་དུ་ཁྲི་ལོར་ཤོག། །/ 2016/10/2