/ རྒྱལ་གཤེན་ཞང་བོད་སློབ་གཉེར་ཁང་།  www.gyalshen.org །        [རྒྱལ་གཤེན་ཞང་བོད་སློབ་གཉེར་ཁང་]ནི་ཨ་རིའི་ San Francisco, Bay Area རུ་ཁྲིམས་མཐུན་དེབ་སྐྱེལ་ 501(c) རྟགས་ཅན་ཞང་ཞུང་དང་བོད་ཀྱི་རིག་གཞུང་སློབ་གཉེར་ཚོགས་སྡེ་ཞིག་ཡིན་ཞིང་། དམིགས་ཡུལ་གཙོ་བོ་ནི་གཡུང་དྲུང་བོན་གྱི་བཀའ་དང་བཀའ་བརྟེན་འགའ་ཡིག་བསྒྱུར་དང་འཆད་ཁྲིད་བརྒྱུད་ནས་ནུབ་ཕྱོགས་སྤྱི་ཚོགས་ཁྲོད་ཞང་བོད་ཀྱི་ཐུན་མིན་མདོ་སྔགས་སེམས་གསུམ་དང་ཐུན་མོང་རིག་གནས་བཅས་ཀྱི་གཞུང་ལུགས་ཇི་ལྟར་ངོ་སྤྲོད་ཆེད་ཡིན། དེ་བཞིན་རང་རེའི་དགོན་སྡེ་ཁག་གི་མཁན་སློབ་བླ་ཁྲི་དང་། དགེ་བའི་བཤེས་གཉེན་སོགས་གདན་དྲངས་ཏེ་སློབ་ཁྲིད་དང་རིག་གཞུང་ཁྱབ་སྤེལ་གྱི་ཕྱོགས་ནས་ཞང་བོད་ཤེས་རིག་གི་བསྟན་པར་སྲི་ཞུ་མི་དམན་པ་ཞིག་བསྒྲུབས་དང་སྒྲུབ་བཞིན་པའི་ཁུལ་དུ་མཆིས། ད་ཆར་རྒྱལ་གཤེན་བོན་ཚོགས་ཀྱི་ཡན་ལག་ཏུ་གྱུར་བའི་ཚོགས་སྡེ་བཅུ་ལྷག་རྒྱལ་ཁབ་འདྲ་མིན་དུ་ཡོད།

  སྐུ་ཚེ་བསྐལ་བརྒྱའི་མཆོད་སྤྲིན། ། ༼གསང་གསུམ་བོན་གྱི་མཛོད་འཛིན་༧སྐྱབས་རྗེ་སྨྲ་བའི་སེང་གེ་ཡོངས་འཛིན་བསྟན་འཛིན་རྣམ་དག་རིན་པོ་ཆེའི་དགུང་ལོ་གོ་ལྔའི་དགྱེས་སྟོན་དུ།༽ །         མཁྱེན་མངའ་བཞིན་ལོ་ཤས་གོང་ནས་རྒྱལ་གཤེན་བོན་སྒྲའི་རྩོམ་སྒྲིག་པ་རྣམ་པས་ནུས་པ་གཅིག་ཏུ་སྤུངས་ནས་བསྟན་པ་ཞིག་དང་མི་རིགས་ཤིག་གི་ཆེད་དུ་འབད་པ་ལྷུར་ལེན་གྱིས།

ལོ་ཐོའི་སྒྲིག་སྟངས་སོགས་གཡུང་དྲུང་བོན་གྱི་བསྟན་པའི་གཙུག་རྒྱན་༧སྐྱབས་རྗེ་རྒྱལ་བ་སྨན་རིའི་ཁྲི་འཛིན་རིན་པོ་ཆེར་སྤྱན་འབུལ་ཞུས་པ། འ ཆེས་མགྱོགས་རྩལ་ལྡན་པའི་དུས་རབས་ཉེར་གཅིག་པའི་འོད་རླབས་ཉིན་རེ་ནས་ཉིན་རེར་འཕེལ་རྒྱས་སུ་འགྲོ་བཞིན་པའི་སྐབས་འདིར། ཤར་ནུབ་གཉིས་ཀའི་ཆོས་ལུགས་གྲུབ་མཐའ་དང་ཡུལ་ལུང་མང་པོར་དྲ་ལམ་བརྒྱུད་ནས་བེད་སྤྱོད་ཐུབ་པའི་འགྲོ་བ་རང་མཐུན་གྱི་རྩིས་འཕྲུལ་ལོ་ཐོའི་རིགས་ཀྱང་མང་ཙམ་མཐོང་རྒྱུར་མངོན། དེ་བཞིན་གཡུང་དྲུང་བོན་ལུགས་འཛིན་པ་རྣམས་ལ་སྤྱི་ཁྱབ་ཏུ་བཀོལ་བདེ་བའི་རྩིས་འཕྲུལ་ལོ་ཐོ་ཞིག་ཡོད་ན་ཅི་མ་རུང་སྙམ་ནས་ཁོ་བོས་འབད་པ་དང་དུ་བླངས་མཐར་དེ་རིང་གཞི་ནས་སྐུ་ཉིད་ཀྱི་སྤྱན་ལམ་དུ་འབུལ་ཐུབ་པ་བྱུང་། མི་རིང་བར་འདས་པའི་ལོ་ལྔ་བཅུ་དང་འབྱུང་འགྱུར་ལོ་ལྔ་བཅུའི་ནང་གི་ཟླ་ཚེས་དང་གཟའ་སྐར་འཕྲོད་སྦྱོར་སོགས་ལྷན་དུ་བསྒྲིག་སྟེ་བོད་ཀྱི་རྩིས་རིག་སྨྲ་བར་མོས་པ་ཆེ་བའི་རིགས་སུ་གཏོགས་པ་སྤྱི་དང།