སྤྱིར་འཛམ་གླིང་ས་ཆེན་པོའི་སྒང་དུ་ཆོས་ལུགས་སྟོང་ཕྲག་མང་པོ་ཡོད་པ་རེད། ཡིན་ན་ཡང་མཐོ་སྒང་གི་མི་རིགས་འདི་ཉིད་ཀྱི་ཆེས་ཐོག་མའི་ཆོས་ལུགས་སམ་ས་སྐྱེས་རྡོ་སྐྱེས་ཀྱི་ཆོས་ལུགས་དེ་བོན་པོའི་ཆོས་ལུགས་འདི་ཡིན་པ་རེད། དངོས་གནས་བྱས་ན་ང་ཚོ་བོན་པོ་ཙམ་མ་ཟད་བོད་མི་ཡོངས་ཀྱིས་བོན་པོའི་ཆོས་ལུགས་དང་རིག་གཞུང་ལ་གུས་འདུད་དང་ཤ་ཞེན་ཡོད་དགོས་པ་ཞིག་རེད།
ཞང་ཞུང་བར་པ་དྭང་རའི་ཁུལ་གྱི་འགྲོ་བ་འདྲེན་པ་བཅུ་གསུམ་ནི། གནས་འགྲོ་འདྲེན་དང་། རྟེན་འགྲོ་འདྲེན། ཆུ་འགྲོ་འདྲེན། རྟེན་སྒམ་འགྲོ་འདྲེན།
ཞྭ་དཀར་གཡུང་དྲུང་བོན་གྱི་བསྟན་སྲུང་གཙོ་བོ་བོན་སྐྱོང་ཕོ་རྒྱུད་དང་མོ་རྒྱུད་ཀྱི་སྡེ་གཉིས་ཡོད་པའི་ཕོ་རྒྱུད་ནི། བསྟན་སྲུང་རྨ་གཉན་པོམ་ར། མི་བདུད་འབྱམས་པ་ཁྲག་མགོ། བྲག་བཙན་ཨ་བསེ་རྒྱལ་བ།
རང་རེའི་བོན་ལུགས་བསྟན་པ་མི་དར་ཞིང་། ། བྱས་པ་མེད་པར་མི་ཁས་སྡང་བ་ནི། ། དགེ་ལེགས་འབྱུང་བ་དཔལ་ལྡན་བླ་མ་ལ། ། བསྟོད་བཀུར་མ་བྱས་བཀའ་དམ་མ་བསྲུང་པས། །
ཕྱག་ཅེས་པ་ནི། ལུས་ངག་ཡིད་གསུམ་གྱི་སྡིག་སྒྲིབ་ཕྱག་པས་ན་ཕྱག་ཟེར་ཏེ། སེམས་ལུང་ལས། ལྷ་ཕྱག་དག་ནི་ཕར་བཙལ་ན།། སྒྲིབ་པ་དག་ནི་ཚུར་ལ་ཕྱག། ཅེས་གསུངས་པས་དོན་རྟོགས་སླའོ།། ཕྱག་ལ་དབྱེ་ན་གསུམ་སྟེ། ལུས་ཀྱི་ཕྱག ངག་གི་ཕྱག ཡིད་ཀྱི་ཕྱག་དང་གསུམ་དུ་ཡོད་དེ། སྙན་རྒྱུད་ཨ་གསལ་ཉམས་ལེན་ལྔ་སྐོར་ལས། ལུས་ངག་ཡིད་གསུམ་གུས་པས་ཕྱག་འཚལ་ལོ།། ཞེས་སོ།། དང་པོ་ལུས་ཀྱི་ཕྱག་ནི། བོན་ལུགས་ལ་སྒུར་ཕྱག་དང་། རྐྱང་ཕྱག་གཉིས་སུ་ཡོད་དེ། དང་པོ་སྒུར་ཕྱག་ནི། མགོ་དང་། ལག་པ་གཉིས་དང་། རྐང་པ་གཉིས་བཅས་ཡན་ལག་སྨད་ལྔ་སྟེ། ལུས་ཀྱི་སྟངས་སྟབས་ནི། མགོ་ལག་རྐང་གསུམ་ས་ལ་གཏུག་པའི་སྲོལ་ཡོད་དེ། མདོ་ཡན་ལག་བརྒྱད་པ་ལས། མགོ་དང་ལག་དང་རྐང་པའི་པུས་མོ་དང་། ཡན་ལག་སྨད་ལྔས་རབ་ཏུ་ཕྱག་འཚལ་ལོ། ཞེས་དང་། གཉིས་པ་རྐྱང་ཕྱག་ནི། ལུས་ཐག་ཤར་རྐྱང་པ་ལྟར་བྱེད་པ་སྟེ། མ་རྒྱུད་ཀྱི་ལྷ་སུམ་བརྒྱ་དྲུག་ཅུའི་སྒྲུབ་གཞུང་ལས། སྒོ་གསུམ་གུས་པའི་རྟུལ་ཤུགས་རྐྱང་ཕྱག་གིས།། ཞེས་པས་རྟོགས་ནུས་སོ།།