འཕྲུལ་སྒྲོན་རྟགས་རིགས་དགོངས་དོན་གསལ་བཤད་དུ།། གཏན་ཚིགས་རྣམ་གཞག་བློ་འབྱེད་ལྡེ་མིག་གང་།། བསླབ་གསུམ་མགོན་པོ་བསྟན་འཛིན་རྣམ་དག་གིས།། མཚན་ཉིད་དབྱེ་བ་ཐལ་ཆེའི་རྣམ་གཞག་སོགས།། ཞིབ་ཅིང་རྒྱས་སྟོན་མ་རིག་དྲ་བ་གཅོད།། བློ་རིགས་རྣམ་གཞག་ལེགས་བཤད་དགའ་སྟོན་གང་།།
༄༅།།རང་ལ་བག་ཆགས་འཇོག་ཕྱིར་གངས་ཅན་བོད་ཀྱི་བོན་དཔེ་འགའ་ལ་གཟིགས་པའི་མྱོང་ཟིན་ཚིགས་བཅད་རྐང་བ་ལྔས་བསྡེབས་པ་གཞོན་ནུ་འོད་ལྡན་ཞེས་བྱ་བ་བཞུགས་སོ།། ། ཞང་སྐད་དུ། སད་ནི་སྤུངས་སོ་རད་ན་ཙེ། དམུ་ར་ཏི་ཅུ་པ་ཏ་ཡ། ཀ་ཡ་ཨག་ཤོ་དྲི་ཏི་སུམ་ཨཀྱོ་སངས། གྱི་གྲན་པ་ཤང་སྡྷིང་འདུ། བོད་སྐད་དུ། ལྷ་མི་སྟོན་པ་རིན་པོ་ཆེ།། གཤེན་རབ་ཉིད་ལ་ཕྱག་འཚལ་ལོ།། ལུས་ངག་ཡིད་གསུམ་སྒྲིབ་པ་དག། དགྲ་བགེགས་དབང་སྡུད་དངོས་གྲུབ་སྩོལ།།