། དེང་རབས་འཕྲུལ་རྩལ་འཕེལ་ཤུགས་ཁྲོད་དུ་སྐད་འཕྲིན་ནང་གི་དྲ་འབུའི་གཤིས། ། ནངས་ནུབ་དུས་དྲུག་ག་དུས་ཡིན་ཡང་མི་ཚེ་ཕར་ཆེར་དེའི་ཐོག་སྐྱེལ། ། རྒྱལ་ཁམས་གནས་ཚུལ་ཐེ་གཏོགས་བྱེད་ནས་མཐོང་ཚད་ཁ་པར་ནང་དུ་འདྲེན། ། དགོས་པ་ཡོད་མེད་བསམ་གཞིགས་མི་ཤེས་དྲ་འབྲེལ་ཀུན་ལ་གཏོང་རྐྱང་བྱེད། ། རང་ཉིད་ཁྲིམས་ཆད་ཉེན་པ་ཕོག་ལ་གཞན་དག་ཁྲིམས་ཁང་ནང་དུ་བསྐྱལ། །

/ ༧དཔལ་ལྡན་དྲིན་ཆེན་༧རྩ་བའི་བླ་མའི་དགུང་ལོ་དགུ་བཅུར་ཕེབས་པའི་དུས་ཚིགས་འདི་ལ་སྒོ་གསུམ་གུས་པ་ཆེན་པོའི་སྒོ་ནས་ཕྱག་འཚལ་ཞིང་དྭངས་བས་སྐྱབས་སུ་མཆིའོ། ཁྱུང་ཡུལ་ནོར་འཛིན་དགའ་མའི་ཁྱོན་དུ་མཚན་དཔེའི་ཁོ་ལག་རབ་ཏུ་རྫོགས། ། ཁྱུང་ཕྲུག་ཚང་ལས་འཕུར་བ་བཞིན་དུ་གྲྭ་ས་གོང་འོག་བར་གསུམ་ཕེབས། ། ཁྱུང་ཆེན་ལྟ་བའི་དགོངས་རྒྱ་བཀྲོལ་ཏེ་འཛམ་གླིང་མཁས་དགུའི་གཙུག་ན་རྒྱལ། ། ཁྱུང་ཆེན་རྒོད་པོའི་གཤོག་ཟུང་འདི་ཡིས་མུ་མེད་མཐའ་འདས་མཁའ་རུ་བསྐྱོད། །