༼རྒྱལ་གཤེན་ཞང་བོད་སློབ་གཉེར་ཁང་༽གི་རེ་ཞུའི་གསལ་བསྒྲགས།
༼རྒྱལ་གཤེན་ཞང་བོད་སློབ་གཉེར་ཁང་༽གི་རེ་ཞུའི་གསལ་བསྒྲགས། ། ༅༅།། བསྟན་ལ་ལྷག་བསམ་རབ་དཀར་མདོ་དབུས་ཁམས་གསུམ་གྱི་གཡུང་དྲུང་སྤུན་གྲོགས་ཡོངས་ལ་ཞུ་རྒྱུར། / འདི་ག་(རྒྱལ་གཤེན་ཞང་བོད་སློབ་གཉེར་ཁང་༽གིས་མི་རིང་བར་ཨ་རིའི་གྲོང་ཁྱེར་San Franciscoརུ་གཡུང་དྲུང་བོན་གྱི་བཀའ་དང་། བཀའ་བརྟེན། གནའ་དེང་མཁས་པའི་གསུང་འབུམ་སོགས་བོན་གྱི་དཔེ་ཆ་སྣ་མང་བཞུགས་གནས་༼རྒྱལ་གཤེན་དཔེ་མཛོད་ཁང་༽ཞེས་པ་ཞིག་སྒོ་འབྱེད་བྱ་རྒྱུའི་གྲ་སྒྲིག་བྱེད་བཞིན་པ་ཡིན། དེ་ལུགས་བཞིན་ད་ལན་གུས་པས་ཆེད་དུ་རེ་སྐུལ་ཞུ་རྒྱུར། བོན་གྱི་མཁས་པའི་གསུང་འབུམ་དང་། དེ་བཞིན་བོན་དང་འབྲེལ་བའི་དཔེ་ཆ་”དེབ་གཟུགས་”སུ་དཔར་བསྐྲུན་ཟིན་པ་རྣམས་འབྲེལ་ཡོད་ནས་ཚར་རེ་སྐྱབས་འཇུག་གནང་བའི་འབོད་བསྐུལ་ཞུ་བཞིན་ཡོད། འདི་ཡང་སངས་རྒྱས་གཡུང་དྲུང་བོན་གྱི་བསྟན་པའི་ཁྱད་ནོར་རིན་ཐང་དང་བྲལ་བ་རྣམས་མི་རིགས་གཞན་དང་རྒྱལ་ཁབ་གཞན་ལ་ངོ་སྤྲོད་དང་ཁྱབ་སྤེལ་ཁོ་ནའི་ཆེད་དུ་ཡིན། དེས་ན་ཞུ་ཧམ་དུ་མི་དགོངས་པར་ཕྱག་དཔེ་རྣམས་བྱ་འཕུར་བླ་མ་ཀུན་བཟང་རྒྱལ་མཚན་ལ་འབྲེལ་གཏུགས་རྒྱུད་ཁྲི་འདུ་成都གྲོང་ཁྱེར་དུ་འབྱོར་ཐབས་གནང་རོགས་ཞེས་ཀྱང་གུས་འདུད་དང་བཅས་ཞུ་བའོ།། །།