བཟོད་གསོལ་ཡི་གེ།

རྩོམ་ཡིག་འདི་ཐེངས། 692 བཀླགས་འདུག

ཁྱོད་ལ་ནོར་བ་ཅི་ཡང་མེད་དེ།
ང་རང་རྨང་ནས་འཆུག་སོང་ཡང་།
ངས་ཁྱོད་ལ་བཟོད་གསོལ་ཞུ་མི་འདོད།
ཁྱོད་ཀྱི་སེམས་པ་ཁེངས་སྣང་གིས་གང་ནས།
ཁ་ཕྱིར་འཁོར་ཏེ་བུད་སོང་།
ངས་ཁྱོད་ཀྱི་རྒྱབ་གཟུགས་ལ་བལྟ་བཞིན།
བརྟན་ཚུགས་འཛིན་ཁུལ་བྱས།

ཆར་བ་བར་མེད་དུ་བབས།
ཤུགས་དྲག་ཏུ་བབས།
ནང་སྔ་མོའི་ནམ་མཁའ་འདྲ་བའི་སེམས་པ།
གར་སོང་རྗེས་མེད་རེད།
ངའི་དགའ་སྣང་།  ཁྱོད་ཀྱི་བདེ་སྐྱིད།
དེ་དག་ཡོད་ཚད་སྤྲིན་ནག་མཐུག་པོ་དེས་ཡོངས་སུ་གཡོགས།

ཁྱོད་རང་སོང་རྗེས།
ངའི་རང་ལུས་རང་དབང་ན་མི་འདུག
མིག་ཆུ་གྲངས་མེད་ཅིག ག་ལེར་ས་ལ་འཁྱིལ་རྗེས།
མིག་སྔུན་གྱི་ཡོད་ཚད་ཁ་དོག་གཅིག་མཚུངས་སུ་གྱུར།

དོན་མེད་རྩོད་སློང་གི་རིན་ཞིག་བཏབ་ནས།
དྲོད་འཇམ་གྱི་འཐམ་འཁྱུད་ཅིག་ཁོ་ནར་རེ།
ཤེས་རྟོག་ནི་སྒེར་སེམས་ཀྱི་ཆགས་པ་ཤིག་རེད་དེ།
ཐེ་ཚོམ་མེད་པ་ནི་རྣམ་དག་གི་བརྩེ་དུང་ཞིག་ཡོད་པའི་མཚོན་རྟགས་རེད།

དྭངས་གཙང་གི་བརྩེ་དུང་ཞིག་ལ།
གསལ་བཤད་མང་པོ་ཞིག་དགོས་དོན་མི་འདུག
ང་འཆུག་སོང་། ཁྱོད་ལ་མ་ཉེས་ཁ་གཡོགས་ཐེབས་སུ་བཅུག
འགྲེལ་བཤད་མང་པོ་ཞིག་ཀྱང་མི་དགོས།
ཁྱོད་ཕྱིར་ལ་ཕེབས་དང་།
ཡོད་ཚད་ནམ་མཁའ་གཡའ་དག་པ་བཞིན་ཡིན།

ང་ཡི་ནམ་མཁར།
མི་ཞིག་དགོས་གལ་ཆེ།
དེ་ནི་གྲོགས་གཞན་ཞིག་སྟེ།
ནམ་རྒྱུན་གྱི་ཕྱེ་མ་ལེབ་ཁྲ་བོ་དེ་ཡིན།

ང་ཡི་ཕྱེ་ལེབ། ཕྱིར་ལ་ཕེབས་རོགས།
བརྩེ་བ་ནི་མུ་མཐའ་མེད་པ་ཞིག་ཡིན།

གྲུ་ཆུང་གིས་བརྩམས། གཡུ་ལོས་བསྒྱུར།

༢༠༡༥།༧།༢