མཐོ་སྒང་གི་རྒྱུད་སྐུད་འདར་བ། ་་་་་་་ང་རང་བདུད་པེ་ལ་སེར་སྣ་ཡོད།
རྩོམ་ཡིག་འདི་ཐེངས། 324 བཀླགས་འདུག
།
ཨ་མས་ང་ལ་བོད་སྐད་སློབ་དུས།།
བདུད་པེའི་གླུ་དང་མཉམ་དུ་ཡོད་ཀི།
ཨ་ཕས་ང་ལ་རྟ་རྩལ་སློབ་དུས།།
བདུད་པེའི་སྐད་ངག་ཁྲོད་ན་ཡོད་ཀི།
།
རྩྭ་ཐང་ཆེན་མོའི་པང་ལ་ཉལ་དུས།།
བདུད་པེའི་དབྱངས་རྟ་ཉི་མ་འདྲ་ཀི།
རི་བོ་མཐོན་པོའི་རྩེ་ནས་ལྟ་དུས།།
བདུད་པེའི་འགྱུར་ཁུགས་སྤྲིན་དཀར་འདྲ་ཀི།
།
ས་མཐའི་སྐྱོ་བ་ཞེ་ལ་འཐིབ་དུས།།
བདུད་པེའི་གླུ་ལས་བསམ་རྒྱུ་མེད་ཀི།
ཆུང་དུས་འཚོ་བ་ཕྱིར་དྲན་བྱེད་དུས།།
བདུད་པེའི་གླུ་ཡིས་མིག་ཆུ་སྟེར་ཀི།
།
ང་ཡི་མི་ཚེ་རྒྱབ་ལྗོངས་འདི་ཡང་།།
བདུད་པེའི་རྡུང་ལེན་སང་མོས་གྲུབ་འདུག།
ང་ཡི་སྲོག་གི་གཏིང་ས་ཞིག་ན།།
བདུད་པེའི་དབྱངས་ཀྱི་རྒྱུད་སྐུད་འཐེན་འདུག།
།
༢༠༡༥ ༡༢ ༢ ལ་གྱིས།
།
བསམ་ཚུལ་ཕྲིས།