མི་ཚེ་སྐྱིད་ལ་རོལ་བའི་རི་ཁྲོད་པ།
རྩོམ་ཡིག་འདི་ཐེངས། 482 བཀླགས་འདུག
/
སྒྱུ་མའི་འབྱོར་བས་མྱི་སེམས་བསླུ་ཐབས་དེ་རྒོད་ཀྱང་།།
དོན་མེད་ཟང་ཟིང་ཆེ་བའི་འཇིག་རྟེན་ལ་ཞེད་དེ།།
མི་ཚེ་ཧྲིལ་བོ་བས་མཐའི་རི་སུལ་དུ་བསྐྱལ་ཞིང་།།
ཐུན་བཞི་ཉམས་སུ་ལེན་པའི་རི་ཁྲོད་པ་སྐྱིད་དོ།།
།
རི་རྩེ་སྨུག་པས་གཡོཊ་པའི་ལྷ་ཤིང་གི་གསེབ་ནས།།
ཁ་ཟས་གྱི་ན་ཙམ་གྱི་འཚོ་བ་ལ་བརྟེན་ཏེ།།
བྱང་ཆུབ་སེམས་ཀྱི་དཔལ་ལ་ལྷོད་མེད་དུ་གཞོལ་བའི།།
འདུལ་ཁྲིམས་རྣམ་པར་དག་པའི་རི་ཁྲོད་པ་སྐྱིད་དོ།།
།
ཚང་ཚིང་ལྗོན་ཤིང་འཁྲིཊ་པའི་གྱེར་ཟ་ཡི་ཞོལ་ནས།།
སྙན་འགྱུར་ངག་ནས་འབྱིན་པའི་བྱ་བྱེའུ་དང་ལྷན་དུ།།
མི་རྟག་ཉམས་ཀྱི་མགུར་མ་མགྲིན་པ་ནས་འཐེན་པའི།།
དབེན་པའི་གནས་ན་འགོལ་པོའི་རི་ཁྲོད་པ་སྐྱིད་དོ།།
།
རྫ་ཡུལ་དག་པའི་ཞིང་ལ་ལང་ཚོ་དེ་བཞད་ཅིང་།།
ཟག་མེད་སྐུ་རུ་གྲོལ་བའི་ངེས་དོན་གྱི་སྐྱེས་བུའི།།
དགོངས་པ་ཀློང་དུ་རྡོལ་བའི་ལྔ་ཕྲག་གི་མཛོད་ཆེན།།
ཐུགས་ལ་ལྷག་མེད་འབྱོང་བའི་རི་ཁྲོད་པ་སྐྱིད་དོ།།
།
གཉེན་ལ་ངོ་སོ་དགྲ་ལ་གདོང་ལེན་ནི་མི་དགོས།།
སྒྱུ་མའི་ནོར་རྫས་གསོག་པའི་ངལ་རྩོལ་དང་བྲལ་བ།།
རུས་ཀྱི་ལ་རྒྱ་རོགས་ཀྱི་ཁ་འཛིང་དང་བྲལ་ཞིང་།།
སྟོང་ཉིད་ཐུཊ་ལ་འབྱོང་བའི་རི་ཁྲོད་པ་སྐྱིད་དོ།།
།
བླ་མའི་རྣལ་འབྱོར་ཟབ་མོའི་གདམས་པ་ལ་བརྟེན་ཏེ།།
འགྲོ་དྲུག་སེམས་ཅན་སྲིད་ཞིའི་འཆིང་བ་ལས་སྒྲོལ་ཞིང་།།
རང་གི་ལུས་རྟེན་དབེན་པའི་རི་བོ་ནས་རྫོགས་པའི།།
དོན་གཉིས་ལྷུན་གྱིས་གྲུབ་པའི་རི་ཁྲོད་པ་སྐྱིད་དོ།།
།
༢༠༡༥།༡༡།༢༥ ཉིན།
།
བསམ་ཚུལ་ཕྲིས།