ཚོར་བའི་ཐང་མ།
རྩོམ་ཡིག་འདི་ཐེངས། 257 བཀླགས་འདུག
སེམས་སུ་འཁོར་བ།
ཉི་མའི་བྲང་ཁོག་ནས་འབུར་བའི་དྲོ
ཆར་བའི་སྙིང་ག་ནས་འཐོར་བའི་ཚེ་
རྡོ་བའི་རྒས་གཉེར་ལས་འགྲིལ་བའི་
དར་ལྕེ་ལྷབ་ལྷུབ་ཏུ་གཡོབ་པའི་རླུང་གི་ལག་པ།
བསང་དུད་ལང་ལོང་དུ་སྒུལ་བའི་མེ་
ཆོས་སྐད་ལྷང་ལྷང་དུ་འབྱིན་པའི་
འཇའ་ཚོན་གྱི་རས་ཡོལ་བརྟོལ་བའི་
མགོ་བོའི་ཀླད་ཞོ་ལ་འཁྲིལ་བའི་འོ
ག་དུས་ཡིན་ཡང་།
སེམས་ལ་ཡང་ཡང་འཁོར་ཡོང་།
སྒྱུ་མའི་སྒལ་བ།
སྒྱུ་མའི་ཐོང་ག་ནས་འགྲེང་སྟེ།
མིག་ཟུང་རིག་རིག་འགུལ་དུས།
རྡུལ་འཚུབ་ཀྱི་འཚང་ཁས་མགོ་ལ་བྱི
ཁ་རོག་སྡོད་ཟེར་བ་འདྲ་བའི།
སྙིང་མ་རྗེ་ཟེར་བ་ལྟ་བུའི།
གབ་ཚིག་གི་ལག་པ་དེ་ཡིད་ལ་འཁོར་
ཚོད་ཚོད་ལ་ཁ་ལོ་བསྐྱོགས་ཏེ།
ལམ་བུ་ཞིག་ཧར་གྱིས་བཏོད་སྙམ་གྱི
ཅང་མི་འགོར་བར
རྩ་རྒྱུས་ཐམས་ཅད་འཇམ་ཅག་གེ།
དེ་ནི་ཐབ་འོག་གི་མེ་བྲུས་པའམ།
མུན་ཁྲོད་ཀྱི་གློག་གཟིམ་པ་དང་
ལྷིང་འཇགས་ཁོ་ནས་གད་མོ་དགོད་པར་
དཀའ་ཁག
རླུང་བུས་རྡུལ་དེད།
ཆུ་བོས་འདམ་དེད།
ཁ་བས་གྲང་ངར་དེད།
སོ་སྒྲ་འཆའ་བཞིན་ཕྱི་མིག་ཤོར།
ཕྱི་མིག་སེམས་ཀྱི་མཐིལ་ལ་ཤོར།
དགུན་གཞུང་འདི་ལ།
དབྱར་ཁ་ཞིག་མཐོང་རྒྱུ་དེ།
ནམ་མཁའི་ཕ་རོལ་མཐོང་བ་ལས་ཀྱང་
འཁོར་བ།
ས་གཞི་ལ་ཐིག་བཏབ་ནས་གྱང་ཞིག་བརྡུངས།
གྱང་གི་ཁ་ལ་གྱང་ཞིག་མཐུད།
ཀ་རྡོའི་ཐོག་ཏུ་ཀ་རེ་བརྩངས།
དེ་ལ་ཁྱིམ་གཞི་ཞེས་བཏགས།
བ་མོ་ཞིག་ཉོས།
འོ་ཟོ་ཞིག་བཟོས།
དེ་འཛིན་པའི་བུ་མོ་ཞིག་བསུས།
བྱིས་པ་ཞིག་གི་ངུ་སྐད་ཀྱིས།
རྨོ་བོ་དགོད་དུ་བཅུག
ངུ་སྐད་ཀྱིས་དགོད་སྒྲ་དྲངས་པ་དེ
གཅིག་ན་རྒྱུ་འབྲས་མིན་པ་འདྲ་ཡང་
འདི་ནི་འཁོར་བའོ།
སྟོན་མཇུག
སྡོང་ལོ་སེར་བོ་རྒྱ་ཕིབས་ཀྱི་ཁ་
རླུང་བུས་གཡེར་དྲིལ་སྒུལ་དུས།
ལོ་མ་སྒེག་ཉམས་ཀྱིས་གར་ལ་འགྲོ།
གྲྭ་བའི་གཟན་སྣེ་ཡང་ལྷབ་ཙམ་ལྷབ་
རླུང་བུ་དེས གཞན་ཞིག་ཀྱང་སྒུལ་ཡོད་ངེས།
གཞན་དེའང་གཞན་མ་ཡིན་པར་ང་ཡིན་
ངའི་གངས་རི་དང་མར་མེ་རླུང་ཁ་ན་
དེང་རབས།
འུར་སྒྲས་རྣ་བ་འགས་པར་བྱེད།
འུར་སྒྲས་བྱང་ཁོག་ཡོམ་པར་བྱེད།
ངོ་གདོང་མི་འདྲ་བ་དག
འུར་སྒྲའི་རླུང་གིས་བཏེགས་ཏེ།
སྐབས་རེར་ཤེལ་དང་གྱང་ལས་འཆར།
ལན་རེར་ཆུ་དང་མཚོ་ལས་མངོན།
སྨན་དང་ཁ་ཟས་རྫུན་མ་དག་གིས་ཀྱང་
འུར་སྒྲའི་ཕྱི་ཐུམ་མཛེས་པོ་རེ་
སུ་ཞིག་གི་རྒྱུ་མཐིལ་འགྲིམ་གྱི
དུས་ཚོད་འདི་ལ་འུར་སྒྲའི་འབུ་ཕྲ་ཡིས་མ་ཟིན་པ་
ཉི་མའི་ཕྱི་མིག
རི་རྩེ་རུ་འཁྱུད་པའི།
ལུང་མདོ་རུ་ཟུག་པའི།
ལྗོན་ཤིང་གི་ཚང་ཚིང་བརྟོལ་བའི།
འོད་ཀྱི་ཕུང་བོ་དག་གིས།
ད་ནི་ཨོང་ཤ་ནུབ་རིར་ཕབ་སྟེ་ཕྱི་
ཚང་མལ་སྙེག་པའི་བྱེའུ་ཁྱུ་དང་།
སློབ་གྲྭ་གྲོལ་བའི་བྱིས་པ་དག
གནམ་དང་ས་རུ་འཕུར་གྱིན་འདུག
ཉི་མའི་ཕྱི་མིག་གི་ཟེར་མ་སྒུལ་
ཅུང་ཙམ་ནས་ས་རུབ་ཀྱང་།
ཟླ་བ་མེད་ཀྱང་།
ཁྲ་ཆིལ་དགུ་ཆིལ་གྱི་གློག་འོད་ཡོ
ཉི་མས་ཕྱི་མིག་བསྡུས་ཏེ།
འཕོངས་ཀྱི་ས་རྡུལ་སྤྲུགས་པར་བྱེ
དེ་ནི་བུ་ཆུང་གི་རྒྱབ་གཟུགས་ལ་
འཁྲེང་ཞེན་གྱིས་ལོག་པའི་རྒན་མོ་
སྤུན་ཟླ། ཁྱེད་ཡོང་ཁར་མ་རྒན་གྱི་མིག་མཐའ་
ཁ་བའི་ཕྱི་ནང་།
ཞོགས་པས་བསྣམས་ཡོང་བའི།
ཁ་བའི་ཕྱེ་མ་རླུང་གིས་བསྐྱོད།
ཡབ་མེས་ཀྱི་མགོ་འཕང་ལྟ་བུའི་རི་
དངུལ་གྱི་ཁྲབ་རྨོག་ཅིག་གསོལ་ཏེ།
སུ་ཞིག་གི་བཀའ་ལུང་ལ་སྒུག་འདུག
རྒྱལ་ཁ་ནི་ནམ་ཡང་གྲ་སྒྲིག་ཅན་ལ་
རི་ལུང་ཞབས་འོག་ཏུ་བཅུག་པའི།
མཐའི་སོ་སྲུང་གི་དཔའ་མཛངས་དེ།
རི་རྩེའི་ཁ་བ་ཡིས་སྐྱོར་འདུག
ནམ་མཁའ་མཐའ་མེད་ཀྱི་འོག་ནས།
རང་གི་མགོ་བོ་བཀྱགས་མྱོང་བའི།
ལོ་རྒྱུས་ཀྱི་ཞལ་ཐང་འདྲ་བའི་རི་
རི་རྩེའི་དཀར་སོབ་སོབ་ཀྱི་ཁ་བ་
ནམ་ཞིག་མཐོང་ལམ་ནས་ཡལ་སྲིད་དམ།
དེ་དུས་ཁ་བ་དྲན་མཁན་ཡང་དུ་ཡོད་
བསམ་ཚུལ་ཕྲིས།