། དེང་རབས་འཕྲུལ་རྩལ་འཕེལ་ཤུགས་ཁྲོད་དུ་སྐད་འཕྲིན་ནང་གི་དྲ་འབུའི་གཤིས། ། ནངས་ནུབ་དུས་དྲུག་ག་དུས་ཡིན་ཡང་མི་ཚེ་ཕར་ཆེར་དེའི་ཐོག་སྐྱེལ། ། རྒྱལ་ཁམས་གནས་ཚུལ་ཐེ་གཏོགས་བྱེད་ནས་མཐོང་ཚད་ཁ་པར་ནང་དུ་འདྲེན། ། དགོས་པ་ཡོད་མེད་བསམ་གཞིགས་མི་ཤེས་དྲ་འབྲེལ་ཀུན་ལ་གཏོང་རྐྱང་བྱེད། ། རང་ཉིད་ཁྲིམས་ཆད་ཉེན་པ་ཕོག་ལ་གཞན་དག་ཁྲིམས་ཁང་ནང་དུ་བསྐྱལ། །

། ཕུལ་བྱུང་སྐུ་ལ་མཚན་དཔེ་རྣམ་པར་བཀྲ།། བརྒྱད་གཉིས་ལང་ཚོའི་དཔལ་གྱི་འཇོ་སྒེག་ཅན།། ཟབ་རྒྱས་ལེགས་བཤད་ངག་གི་དཔལ་དུ་འདྲེན།། མ་ཅིག་ཨེར་སངས་ལྷ་མོས་ཤིས་པ་སྩོལ།།

། དགོངས་པ་རྫོགས་པ། བདེ་བར་གཤེགས་པ། མྱང་ངན་འདས་པ།

། ། མཉམ་པ་ཉིད་ཀྱི་སྤྱིལ་བུ་ནས་སྣང་བའི་རང་གཟུགས་ཉམ་ང་བའི།། ཡིད་ཀྱི་ཕོ་བྲང་བཞེངས་པའི་གར་མི་ཟད་ལེགས་ཚོགས་འཇོ་བའི་མ།། རབ་འབྱམས་སྲིད་ཞིའི་བ་གམ་ནས་མེས་པོའི་རི་དར་སྐྱོར་མོད་ཀྱང་།། གང་ཞིག་འབྱོར་ལ་རྗེས་ཆགས་པའི་འགྲོ་བའི་མི་ཀུན་དེ་ལ་སུན།།

ནམ་མཁའ་མགོ་ལ་བཀུར་བ་ཡུན་རིང་ཡིན།། ས་གཞི་རྐང་བས་བསྣོག་པ་ཉུང་ཉུང་མིན།། དེ་རིང་གཞི་ནས་རྐང་བ་བཀྱགས་ནས་ཡོད།། ནམ་མཁའི་རལ་བ་རྡོག་པས་མནན་ནས་ཡོད།།