རྒྱ་ཆེའི་ཀློག་པ་པོ་རྣམས་ཀྱི་སྤྱན་ལམ་དུ་འབྱོར་ལ་ཉེ་བའི་<<གནའ་རབས་བོན་གྱི་ཚིག་མཛོད་ཆེན་མོ།> རྟེན་འབྲེལ་ཞུ།      མི་ལོ་ཁྲི་སྟོང་གི་ལོ་རྒྱུས་ལྡན་པའི་གན༷འ་བོའི་བོན་དང་བོད་ཀྱི་ཤེས་རིག་འདི་ཉིད་ནི། རང་ཅག་རྣམས་ཀྱི་མེས་པོའི་མི་རབ༷ས་བརྒྱ་ཕྲག་དུ་མས་ཐ་ན་གཅེས་པའི་ལུས་སྲོག་ཡན་ཆད་བློས་བཏང་སྟེ་འཛིན་སྐྱོང་སྤེལ་གསུམ་གྱིས་སྲོག་བཟུང་ཞིང་། དེང་སྐབས་ཐུན་མིན་བོ༷ན་གྱི༷་ཐེག་པ་རིམ་དགུས་བསྡུས་པའི་གཞུང་ལུགས་ཆེ་ཕྲ་ཁག་དང་། ཞང་ཞུང་སྙན་རྒྱུད་བླ་མའི་རྣམ་ཐར་ལྟ་བུ་སོགས་ཚི༷ག་དོན་གང་ཐད་ནས་དཔྱད་ཀྱང་འཛམ་གླིང་ཤེས་རིག་སྣ་མང་གི་བང་མཛོ༷ད་ཆེ༷ན་མོ༷འི་ནང་མཁས་དགུས་ཡིད་དབང་ཅིག་ཆར་འཕྲོག་པའི་དཔེ་རྙིང་དང་དེ་འབྲེལ་གྱི་རིག་གཞུང་དུ་མ་ཞིག་ཀྱང་ཕྱི་ནང་གི་འགོག་རྐྱེན་སྣ་མང་འོག དུས་རབས་ཉེར་གཅིག་པའི་སྤྱི་ཚོགས་ནང་ཤི་མ་གསོན་གྱི་ཚུལ་དུ་གནས་ཡོད། དེས་ན་རིག་གཞུང་དེ་དག་གི་དགེ་ཕན་དང་དོན་དངོས་ལག་ལེན་བྱ་ཚུལ། དེ་བཞིན་དཔེ་གཞུང་ཁྲོད་ཀྱི་ཆེས་སྔ་བའི་ཐ་སྙད་ཀྱི་ཚིག་ཚོགས་རྣམས་ཇི་ལྟར་གསེད་དགྲོལ་བྱ་རྒྱུ་སོགས་ནི་དེང་དུས་ཀྱི་མཁས་པ་ཆེ་ཆེ་དྲག་དྲག་རྣམས་ལ་དཀའ་ཁག་རབ་དང་རིམ་པས་འཕྲད་དང་འཕྲད་བཞིན་པའི་མུར།