སྤྱི་ལོ་༡༧༠༤———༡༧༢༨་བར་གྱི་ཡོ་ལང་། ། ཧ་ལམ་སྤྱི་ལོ་༡༧༠༤་ནས་བོད་སོག་གཉིས་ལ་འགལ་འདུ་དང་འཁྲུག་རྩོད་ལང་བའི་འགོ་བརྩམས།  འགལ་རྐྱེན་སློང་དོན་ཡང་སོག་པོ་ལྷ་བཟང་ཧན་གྱིས་གསང་བའི་དམིགས་ཡུལ་འགྲུབ་དོན་དུ་གཡོ་ཐབས་སྣ་ཚོགས་ཀྱིས།  རྒྱལ་བ་ཚངས་དབྱངས་རྒྱ་མཚོ་དང་སྡེ་སྲིད་སངས་རྒྱམ་གཉིས་ཀྱི་བར་དུ་འགལ་བ་བཟོ་ཅི་ཐུབ་གང་ཐུབ་བྱས་པར་བསྟན་རྒྱལ་དབང་དང་སྡེ་སྲིད་བར་དུ་ལྟ་ཚུལ་འདྲ་མིན་བྱུང་སྟེ་ཕན་ཚུན་གཅིག་གིས་གཅིག་ལ་ཟུར་ཟ་དང་འཁང་ར་སྣ་ཚོགས་བྱས།  གོ་སྐབས་དེ་དང་བསྟུན་ནས་སོག་པོ་ལྷ་བཟང་ཧན།  རྒྱལ་བ་ཚངས་དབྱངས་རྒྱ་མཚོའི་ཕྱོགས་སུ་ལངས་ཁུལ་བྱས་ཏེ་སྡེ་སྲིད་ཀྱི་ཕྱོགས་སུ་ངོ་སྒོལ་གྱི་གཏམ་འདྲ་མིན་གླེང་བས།  རྒྱལ་བ་ཚངས་དབྱངས་རྒྱ་མཚོ་དང་སྡེ་སྲིད་བར་དུ་དེ་ལས་རྙོག་འཛིང་ཅན་དུ་གྱུར།