མྱི་འདི་ཚོ དུས་ཚོད་ཀྱི་སྣེ་ནས་འདྲུད་ཀྱིན་ཡོད དངངས་སྐྲག་དང་འཇིགས་སྣང་ཅི་ཡང་མེད་པར མིག་གིས་མཐོང་ཚད་ལ་ལག་པས་སྙོབ་བཞིན་ཡོད གཏེར་ཆུ་འཐུང་འཕྲོ་ལྟ་བུའི་མི་ཚེ་ལྷག་མ་དེ འཕངས་སེམས་གང་ཡང་མེད་པར་ས་རུ་ཟག་བཞིན་འདུག ཐིགས་པ་རེ་རེ གྲག་འགུལ་ཅི་ཡང་མེད་པར་ས་གཞིར་སིམ་འགྲོ ། མྱི་ཚོགས་འདི་ཚོ ལོ་ཟླ་ཡི་ཁུད་ནས ཁ་བ་དང་ལྷན་དུ ཆར་བ་དང་མཉམ་དུ རེ་འགས་དགའ་སྤྲོའི་གླུ་དབྱངས་ལེན ལ་ལས་སྡུག་གི་འོ་དོད་འབོད ། ནམ་ཞིག་གི་ཚེ གྱོང་ངོས་ཀྱི་བརྡ་ཁྱབ་རྙིང་བ་དེ་བཞིན རླུང་འཚུབ་ཅིག  རྒྱུགས་ཐེངས་གཅིག་གིས ཡོད་ཚད་ནམ་མཁའི་ཁམས་སུ་སྤུར་སོང་ན སྐབས་དེར གླུ་དབྱངས་ཀྱི་སྒྲ་ཁོ་ན་ཡིན་ནམ སྨྲེ་ངག་གི་སྒྲ་གཅིག་པུ་རེད ཡང་ན་དེ་གཉིས་གང་ཡང་མིན་པའི་དབྱངས་ཤིག་ཡིན / ༡༦།༡༢།༢༤། ཉིན་མཇུག་གྲུབ།