། ༼ ནང་དོན་གནས་བསྡུས། འདི་ནི་ཉི་ཧོང་ནས་ཐོན་པའི་ཏུན་ཧོང་ཡིག་རྙིང་ལས་གསལ་བའི་སྟོན་པ་གཤེན་རབ་མི་བོ་ཆེའི་སྐོར་བརྗོད་པའི་དཔྱད་བརྗོད་ཅིག་ཡིན་ལ། དཔྱད་བརྗོད་འདིའི་ནང་དུ་ཡིག་རྙིང་དེ་ལས་གསལ་བའི་མི་སྣ་གཞན་དང་གཤེན་རབ་ཀྱི་མཛད་པ་དག་ལ་གོ་བསྡུར་ཏེ་གཤེན་རབ་མི་བོ་མཆོག་བོད་ཀྱི་ལོ་རྒྱུས་སམ་ལྷག་པར་དུ་རྒྱལ་ཕྲན་སིལ་མའི་དུས་རབས་ཀྱི་ལོ་རྒྱུས་སྟེང་གི་མི་སྣ་གལ་ཆེན་ཞིག་ཡིན་པའི་སྐོར་གླེང་བའི་དཔྱད་བརྗོད་ཅིག་ཡིན། ༽
། འདིར་ཆོས་ལུགས་ཕྱོགས་རིས་ཀྱི་ལམ་དུ་མ་སོང་བརལོ་རྒྱུས་རིག་པ་དང་ཡིག་ཚང་རིག་པ་དང་། སྐད་བརྡ་རིག་པ་སོགས་རིག་པ་སྣ་མང་གི་བྱ་ཐབས་སྤྱད་ནས་སྟོན་པ་གཤེན་རབ་མི་བོ་ཆེ་བྱ་བ་ཞིག་ལོ་རྒྱུས་ཀྱི་སྟེང་དུ་བྱུང་མྱོང་ཡོད་མེད་ལ་བསྐྱར་ཞིབ་བྱས་ཡོད། ། སྟོན་པ་གཤེན་རབ་མི་བོ་ཆེ་ལོ་རྒྱུས་ཐོག་གི་མི་སྣ་ཞིག་ཡིན་མིན་དང་དུས་རབས་ནམ་ཞིག་ལ་བྱུང་མིན་དེ་རྒྱལ་ཕྲན་བཅུ་གཉིས་ནང་གི་སྐྱི་རྗེ་རྨང་པོ་དང་ཕྱྭ་རྗེ་ཡབ་བླ་གདགས་དྲུག་གཉིས་དང་འབྲེལ་བའི་སྒོ་ནས་དཔྱད་གླེང་བྱ་རྒྱུ་དེ་གལ་གནད་ཆེ་བར་མཐོང་ཞིང་།
སྤྱི་ལོ་༡༧༠༤———༡༧༢༨་བར་གྱི་ཡོ་ལང་། ། ཧ་ལམ་སྤྱི་ལོ་༡༧༠༤་ནས་བོད་སོག་གཉིས་ལ་འགལ་འདུ་དང་འཁྲུག་རྩོད་ལང་བའི་འགོ་བརྩམས། འགལ་རྐྱེན་སློང་དོན་ཡང་སོག་པོ་ལྷ་བཟང་ཧན་གྱིས་གསང་བའི་དམིགས་ཡུལ་འགྲུབ་དོན་དུ་གཡོ་ཐབས་སྣ་ཚོགས་ཀྱིས། རྒྱལ་བ་ཚངས་དབྱངས་རྒྱ་མཚོ་དང་སྡེ་སྲིད་སངས་རྒྱམ་གཉིས་ཀྱི་བར་དུ་འགལ་བ་བཟོ་ཅི་ཐུབ་གང་ཐུབ་བྱས་པར་བསྟན་རྒྱལ་དབང་དང་སྡེ་སྲིད་བར་དུ་ལྟ་ཚུལ་འདྲ་མིན་བྱུང་སྟེ་ཕན་ཚུན་གཅིག་གིས་གཅིག་ལ་ཟུར་ཟ་དང་འཁང་ར་སྣ་ཚོགས་བྱས། གོ་སྐབས་དེ་དང་བསྟུན་ནས་སོག་པོ་ལྷ་བཟང་ཧན། རྒྱལ་བ་ཚངས་དབྱངས་རྒྱ་མཚོའི་ཕྱོགས་སུ་ལངས་ཁུལ་བྱས་ཏེ་སྡེ་སྲིད་ཀྱི་ཕྱོགས་སུ་ངོ་སྒོལ་གྱི་གཏམ་འདྲ་མིན་གླེང་བས། རྒྱལ་བ་ཚངས་དབྱངས་རྒྱ་མཚོ་དང་སྡེ་སྲིད་བར་དུ་དེ་ལས་རྙོག་འཛིང་ཅན་དུ་གྱུར།
དྲི་བ་དང་པོ། བོད་ལ་སངས་རྒྱས་གཡུང་དྲུང་བོན་གྱི་ལྟ་གྲུབ་ཡོད་བཞིན་དུ་དུས་རབས་བདུན་པའི་ནང་དུ་ཐུབ་ཆོས་བོད་དུ་གདན་དྲངས་པ་དེ་བོད་མིའི་ཨ་གསར་ཙམ་མིན་པར་སྐབས་དེ་དུས་ཆབ་སྲིད་ཀྱི་དགོས་མཁོ་ཞིག་ཡིན་པར་གསུང་མཁན་ཡོད། འོན་ཀྱང་ཁྱེད་ཀྱི་དགོངས་ཚུལ་ག་རེ་ཡིན་ནམ།
༄༅།།ཨོཾ་ཨ་ཐཱ། གངས་ཅན་གསོ་དཔྱད་དབྱར་གྱི་ཆུ་འཛིན་ཀློང་།། ལུང་རིགས་རབ་རྒྱས་སྔོན་མེད་སྒྲ་བརྒྱའི་དབྱངས། །འཛམ་གླིང་ མཛེས་པའི་རྒྱན་དུ་མངོན་སྒྲོག་མཁན། །སྨན་པའི་རྒྱལ་པོ་གཡུ་ཐོག་ཟུང་དེར་འདུད། །དཔལ་ལྡན་རྒྱུད་བཞིའི་དགོངས་དོན་གནམ་རུའི་རྒྱུད། །རྣམ་དཔྱོད་སོར་མོས་ཉེར་བཀུག་དགག་སྒྲུབ་མདས། །སྨྲ་ངན་ལོག་རྟོག་འཇོམས་པའི་གཡུལ་འགྱེད་མཁན། །མཁས་རྒུའི་གཙུག་རྒྱན་བྱང་ཟུར་རྣམ་གཉིས་རྒྱལ། །གངས་ལྗོངས་གསོ་དཔྱད་བསྟན་པའི་འཕྲིན་ལས་གདུགས། །རྣམ་དཔྱོད་དཔུང་པ་བརྟན་པོས་བླ་ནས་བླར། འདེགས་བཟོད་གྱད་ཀྱི་སྙིང་སྟོབས་རབ་ལྡན་པའི། །སྔོན་བྱོན་མཁས་ལ་སོར་བཅུ་སྙིང་གར་སྦྱར། །འདི་ན་གངས་ཅན་གསོ་དཔྱད་དབུ་བརྙེས་པའི། །ལོ་ཚིགས་མུན་ནག་འདོམ་འཇལ་མི་དགོས་པར། །ཉི་གཞོན་འདྲེན་པའི་སྐྱ་རེངས་འདི་དང་ལྷན། །འགྲོགས་ནས་གཟིགས་མོ་མཛོད་དང་གྲོགས་དག་ཀྱེ། ཞེས་མཆོད་པར་བརྗོད་ཅིང་བརྩམ་པར་དམ་བཅའ་བའི་ཚིག་གིས་མདུན་བསུས་ཏེ། གང་གླེང་བ་ནི། འཇིག་རྟེན་མིག་གཅིག་ལོ་ཆེན་རིན་ཆེན་བཟང་པོའི་ཞལ་གྱི་བུམ་བཟང་ལས། ཡུལ་མཐོ་ས་གཙང་འཛམ་གླིང་དཀྱིལ་སྒང་ན། །མི་རྗེ་ལྷས་མཛད་སྤུ་རྒྱལ་བཙན་པོའི་གདུང་། །བྱང་ཆུབ་སེམས་དཔའ་སྤྲུལ་པའི་རྒྱུད་དུ་འཁྲུངས། །མཐའ་བཞིའི་རྒྱལ་པོ་གཞན་ལས་ཁྱད་པར་འཕགས། །ཞེས་གསུངས་པ་ལྟར།