གདོང་དམར་བའི་འཚོ་གནས་མཐོ་སྒང་གི་ཡུལ་གྲུ་འདི་ལ་བོད་ཅེས་པའི་མིང་ཐོགས་ཚུལ་ཡང་མཁས་པ་སོ་སོའི་ཞིབ་འཇུག་གི་བློ་མིག་མི་འདྲ་བའི་དབང་གིས་འདོད་ཚུལ་ཤིན་ཏུ་མང་བ་ཞིག་བྱུང་ཡོད་པ་དཔེར་ན་བྲོས་དང་བུད་ཅེས་པ་ལས་ཟུར་ཆག་པ་དང་། རྒྱལ་བོ་འོད་དེ་སྤུ་རྒྱལ་གྱི་མཚན་ལས་ཟུར་ཆག་པ་དང་། བོན་ཞེས་པའི་ཆོས་ལུགས་ཀྱི་མིང་ལས་ཟུར་ཆག་པ་སོགས་དུ་མར་བཞེད།
ཁ་འབབ་ཀྱི་ཆུ་བོ་ཆེན་པོ་བཞིའི་ཆུ་འགོའི་ཕུག་ནི་འཛམ་གླིང་གནས་ཀྱི་རྒྱལ་པོ་གངས་དཀར་ཏི་སེ་དང་མཚོ་མོ་མ་པང་གཡུ་མཚོའོ་ཕྱོགས་བཞི་ནས་འབབ་བཞིན་ཡོད་ཅིང་། དེ་ནི་ཆེས་གནའ་བོའི་དུས་སུ་གཡུང་དྲུང་བོན་དང་ཤེས་བྱ་དང་རིག་གནས་སོགས་སྟོབས་འབྱོར་མངའ་ཐང་ཕུན་སུམ་ཚོགས་པའི་ཞང་ཞུང་རྒྱལ་ཁབ་ཀྱི་ལྟེ་བའམ་ས་ཚིག་གི་ཡུལ་དབུས་སུ་གྲགས་ཤིང་། འདི་ཡི་བཞུར་རྒྱུན་དུ་ཞང་ཞུང་གི་རིག་གནས་དར་སའི་ཡུལ་ལམ་རྒྱལ་ཁམས་དུ་བརྩི་བ་ཡིན། ཆུ་བཞིའི་འཇུག་ཏུ་རྒྱ་གར་ཤར་ནུབ་བམ་སྟོད་སྨད་ཀྱི་མཚོ་ཁུག་ལ་ཐུག་ཡོད་ཅིང་མཚོ་ཁུག་རེ་ལ་ཁ་འབབ་ཀྱི་ཆུ་བོ་གཉིས་རེ་འབབ་བཞིན་ཡོད།
དེང་སྐབས་བོད་ཀྱི་མཁས་དབང་མི་ཉུང་བ་ཞིག་གིས་བོད་ལ་ཞིབ་འཇུག་བྱེད་པ་ལ། བོན་ལ་ཞིབ་འཇུག་བྱེད་དགོས་ཅེས་ཚ་ཚ་འུར་འུར་གྱི་ཐོག་ནས་བཤད་པ་ནི། ཐུགས་སེམས་ལྷོད་པོའི་ངང་ནས་ཅུང་ཟད་རྒྱང་གཟིགས་གནང་བའི་གསུང་གླེང་ཞིག་རེད།
། གླེང་སློང་། ། ་་་་་་་་་་་་་་ཉེ་བའི་ལོ་ངོ་འདི་དག་རིང་བོད་ཕྱི་ནང་གཉིས་ཀར་ཤེས་ཡོན་པའི་སྡེ་ཚོགས་སུ་ཚ་ཚ་འུར་འུར་གྱི་རྣམ་པར་བྱུང་ཡོད༑ དཔེར་ན། གནའ་དཔེ་བསྡུ་སྒྲིག་དང་པར་སྐྲུན་སོགས་སྔར་ཡོད་མེས་པོའི་ཤུལ་བཞག་གཅེས་ཉར་དར་སྤེལ་གྱི་བྱ་བ་དང་། གསར་རྩོམ་གྱི་ཐད་ནས་གཙིགས་ཆེ་བའི་དཔེ་གཞུང་དེ་དག་གཙོས་ཡུལ་སྲོལ་གོམས་གཤིས་སོགས་དམངས་ཁྲོད་རིག་གནས་དང་བཅས་ལ་ཞིབ་འཇུག ཡང་རིག་ཚན་གསར་པ་ནང་འདྲེན་དང་བསམ་བློ་གསར་པའི་ཚ་རླབས་སོགས་གང་ལྟར་ཕྱོགས་གང་ཐད་ནས་གཤོམ་ཆེ་བ་ཞིག་བྱུང་ཞིང་། ཡོ་ལངས་རྣམ་པར་རྩེན་པའི་དུས་སྐབས་དེའི་ཁྲོད་དུ་སྐུ་ཞབས་ར་སེ་དཀོན་མཆོག་རྒྱ་མཚོ་ལགས་ཁྱེད་ནི་བྲེལ་ཟིང་ཆེ་བའི་མི་སྣ་ཞིག་ཀྱང་ཡིན་པ་འདྲ༑
། ལྷག་པའི་ལྷ་མཆོག་གཞོན་ནུའི་སྙེམ་འཆང་སྨྲ་བའི་སེང་།། སོར་བཅུའི་འདབ་བཟང་གནས་གསུམ་ཞིང་དུ་ལེགས་བཀོད་ནས།། གང་བརྗོད་གཏམ་གྱིས་བློ་ལྡན་འགུ་བའི་སྣང་བརྙན་ཞིག། བརྩེ་ཆེན་ཐུགས་ཀྱི་ཀློང་ནས་མི་འདོར་ཤེས་པ་བསྩོལ།། །