༧ཞྭ་དཀར་བསྟན་པའི་གཙུག་རྒྱན་༧དཔོན་གསས་བླ་མ་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་མཆོག་ཕྱི་ལུགས་སྨན་དཔྱད་ལེགས་པར་གྲུབ་ནས་སྐུ་གཟུགས་གསལ་དྭངས་ངང་སྟོན་འཁོར་ལྷན་རྒྱས་བཅས་ཕྱི་ལོ་༢༠༡༦ཕྱི་ཟླ་༠༨ཚེས་༠༧ཉིན།  ༧ཨ་མེ་རི་ཁ་ནས་གདན་ས་སྨན་རིར་བདེ་བླག་ངང་ཞབས་སོར་འཁོད་ཐུབ་པར་བྱུང་བས་དེ་དོན་ཐུགས་འཇགས་ཞུ་རྒྱུ་དང་།  དེས་ན་དེ་རིང་གི་གནས་ཚུལ་བཟང་པོ་འདི་བཞིན་གཙོ་བོ་གཞིས་བྱེས་གཉིས་སུ་བཞུགས་པའི་དགོན་སྡེ་ཁག་གི་དབུ་བླ་རྣམས་ཀྱི་གཙོས་འབྲེལ་ཡོད་ལས་ཀྱི་སྣེ་མོར་གཏོགས་པ་རྣམས་དང་།  དེ་བཞིན་རྒྱལ་ཕྱི་ནང་དུ་བཞུགས་པའི་དད་དམ་གཡོ་བ་མེད་པའི་བོན་པོ་ཡོངས་ནས་མ་བསྐུལ་དང་བླངས་ཀྱིས་སྐུ་ཕྱྭའི་ཞབས་རིམ་ཉིན་མཚན་ལྟོས་མེད་བསྒྲུབས་དང་སྒྲུབ་བཞིན་པ་བཅས་ཀྱི་ཐུགས་རྗེའི་བཀའ་དྲིན་དང་། ཁྱད་པར་དུ་བོན་བསྟན་སྐྱོང་བར་ཞལ་གྱིས་བཞེས་པའི་བསྟན་སྲུང་དམ་ཅན་རྒྱ་མཚོའི་ཚོགས་ཀྱིས་མཐུ་དཔུང་སྡོང་གྲོགས་ལ་བརྟེན་ནས་དུས་ལས་མ་འགྱངས་པར་དེང་རབས་ཚད་མཐོའི་སྨན་དཔྱད་ཀྱི་ཕྱག་ལེན་ཟུང་དུ་འབྲེལ་བ་སོགས་ཕུན་སུམ་ཚོགས་པའི་རྟེན་འབྲེལ་སྣ་མང་གི་བརྒྱུད་ནས་བྱུང་བ་ཡིན་པར་ཡིད་ཆེས་གཙང་མ་ཞུ་བཞིན་ཡོད།

རྒྱ་ཆེའི་ཞང་བོད་ཀྱི་རྩོམ་པ་པོ་དང་ཀློག་པ་པོ་ཡོངས་ཀྱི་སྙན་ལམ་དུ་ཞུ་གསོོལ། ཕྱི་ལོ་ ༢༠༡༥ ཟླ་ ༩ ཚེས་ ༡༧ ཉིན་རྒྱལ་གཤེན་བོན་སྒྲས་«ཞང་བོད་རྩོམ་རིག་ཕུལ་བྱུང་བྱ་དགའ།»འབུལ་རྒྱུའི་རྩོམ་བརྡ་དྲ་ཚིགས་ཁག་མང་པོ་ཞིག་བརྒྱུད་ནས་སྤེལ་ཡོད་ལ།

       2016ལོའི་ཟླ7ཚེས12ནས14བར། ཀན་ལྷོ་ཉིན་རེའི་ཚགས་པར་ཁང་（甘南日报社）གིས་ཀན་སུའུ་འབྲུག་ཆུའི་བོན་གྱི་དཔེ་རྙིང་གི་ཡུལ་དངོས་རྟོག་ཞིབ་དང་ཞིབ་བསྡུར་ཚོགས་འདུ་གཙོ་སྒྲུབ་གནང་ཞིང་། བྱ་འགུལ་དེར་ཀྲུང་དབྱང་མི་རིགས་སློབ་ཆེན་གྱི་དགེ་རྒན་ཆེན་མོ་ཚེ་རིང་ཐར་དང་བོད་ལྗོངས་སྤྱི་ཚོགས་ཚན་རིག་ཁང་གི་དོན་གྲུབ་ལྷ་རྒྱལ། ལན་གྲུ་སློབ་ཆེན་གྱི་དགེ་རྒན་ཆེན་མོ་ཆོས་འཕེལ། ནུབ་བྱང་མི་རིགས་སློབ་ཆན་གྱི་དགེ་རྒན་ཆེན་མོ་བཀྲ་ཤིས་ཚེ་རིང་། ལྷོ་ནུབ་མི་རིགས་སློབ་ཆེན་གྱི་དགེ་རྒན་ཆེན་མོ་ཐོགས་མེད། དཀར་མཛེས་ཁུལ་ཡིག་ཚང་ཁང་གི་སྡེ་རོང་ཚེ་རིང་དོན་གྲུབ་སོགས་མི་རིགས་སློབ་གྲྭ་ཆེན་མོའི་དགེ་རྒན་ཆེན་མོ་དང་མཁས་པ་གྲགས་ཅན་བཅུ་ལྷག་དང་། ཀན་སུའུ་ཞིང་ཆེན་དང་ཀན་ལྷོ་ཁུལ་དང་འབྲུག་ཆུ་རྫོང་གི་འགོ་ཁྲིད་མང་པོ་ཞུགས་ཡོད།

མཁྱེན་གསལ་ལྟར་ཁ་སྔོན་ཕྱི་ལོ་2016/ ཟླ་ 2 པའི་ནང་༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་རིན་པོ་ཆེ་མཆོག་སྐུ་ཁམས་འཕྲོད་བསྟེན་ཆེད་འདི་ག་ཨ་རིའི་ནིའུ་ཡོག་ཏུ་༧ཞྭ་དཀར་གཡུང་དྲུང་བོན་སྲི་ཞུ་ཚོགས་པ་སྟེ་བོན་གཤེན་གླིང་ནས་སྨན་སྦྱོར་འཕྲོད་བསྟེན་ཆེད་གདན་འདྲེན་ཞུས་དོན་ལྟར་སྐབས་དེར་ཕེབས་པ་ནས་བཟུང་སྐུ་ཁམས་གསལ་དྭངས་ཀྱི་གནས་ཚུལ་རྣམས་དུས་ནས་དུས་སུ་ཞུས་པ་ལྟར་ལགས་ཤིང་རྣམ་པ་ཚང་མའི་ཐུགས་ཁུར་ཟབ་རྒྱས་གནང་བ་མ་ཟད་གང་ན་སུ་བཞུགས་ཀྱི་སྐྱེས་ཆེན་གཤེན་རབ་གཡུང་དྲུང་སེམས་དཔའི་སྡེ་དང་ལས་སྨོན་གྱི་འབྲེལ་བའི་ལྷ་སྡེ་མི་སྡེ་ཡོངས་ནས་མཆོག་གསུམ་དམ་ཅན་རྒྱ་མཚོ་ལ་གསོལ་འདེབས་འཕྲིན་བཅོལ་དང་། 

   ཕྱི་ལོ་ ༢༠༡༦ ལོའི་ཟླ་ ༥ ཚེས་ ༢༧ ནས་ ༣༠ བར་ཨ་རིའི་ནེའུ་ཡོག་ཁུལ་དུ་བརྟན་གཞི་བྱས་པའི་བོན་གྱི་ཚོགས་སྡེ་བོན་གཤེན་གླིང་གིས་གོ་སྒྲིག་འོག་སངས་རྒྱས་གཡུང་དྲུང་བོན་གྱི་བསྟན་པའི་གཙུག་ནོར་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་༧ལུང་རྟོགས་བསྟན་པའི་ཉི་མ་རིན་པོ་ཆེ་དཔལ་བཟང་པོ་མཆོག་གིས་དད་ལྡན་བོན་འབངས་ཁག་ཅིག་ལ་དགོངས་མཛོད་རི་ཁྲོད་ཆེན་པོས་མཛད་པའི་ཟབ་མོ་གནད་ཀྱི་གདམས་པ་རྫོགས་ཆེན་ཨ་ཁྲིད་ཀྱི་ཁྲིད་ལུང་རྒྱས་པ་དང་རིག་འཛིན་ཚེ་ཡི་རྒྱལ་པོའི་བཀའ་དབང་བཅས་གནང་། །    ཉིན་དང་པོའི་དགོང་དྲོར་༧སྐྱབས་རྗེ་རྒྱལ་བ་སྨན་རི་བ་ཆེན་པོ་མཆོག་གིས་སྐུ་ཚེའི་མཛད་རྣམ་རྒྱས་པ་ཞིག་རང་རྣམ་གྱི་ཚུལ་གྱིས་གསུངས་རྗེས་དད་ལྡན་མང་ཚོགས་ལ་དུས་དང་རྣམ་པ་ཀུན་ཏུ་སྡིག་སྤོང་དགེ་སྒྲུབ་ཀྱི་བྱ་བར་བརྩོན་རྒྱུ་གལ་ཆེ་བ་དང་། གཡུང་དྲུང་གི་བོན་ཉམས་སུ་ལེན་པར་མི་རིགས་ཁ་དོག་གི་དབྱེ་བ་མེད་ལ་གྲགས་སྙན་ཕྱུག་དབུལ་གྱི་ཁྱད་པར་མེད། མདོར་ན་མི་ཞིག་ཡིན་ཕྱིན་སྨྲ་ཤེས་ཤིང་དོན་གོ་བ་ཞིག་ཏུ་སྐྱེས་པ་རེད། ཁྱད་པར་དུ་སངས་རྒྱས་ཀྱི་བསྟན་པ་རིན་པོ་ཆེའི་དགོངས་དོན་ངོ་མའམ་མཁས་གྲུབ་སྐྱེས་ཆེན་རིམ་བྱོན་གྱིས་གསུངས་པའི་བོན་རིན་པོ་ཆེ་ཇི་ལྟར་ཉམས་སུ་ལེན་ཐུབ་ཚེ་དལ་འབྱོར་གྱི་རྟེན་ཆུད་ཟོས་སུ་མ་སོང་བའམ་མི་ལུས་བཟང་པོ་ཞིག་རྙེད་པའི་དོན་གོ་ཆོད་སོང་བ་རེད་ལ། དེས་ནི་སྐྱེ་བ་འདི་ལ་ཕན་པ་དང་། ཕྱི་མ་ལའང་ཕན་པའི་ཚུལ་སོགས་དཔེ་མཚོན་སྣ་ཚོགས་ཀྱི་སྒོ་ནས་མ་ཡིས་བུ་ལ་གདམས་པ་ལྟ་བུའི་བཀའ་སློབ་བཀའ་དྲིན་ཅན་བསྩལ།