ཕྱི་ལོ༢༠༡༧/༩/༡༤ཕྱི་དྲོའི་ཆུ་ཚོད་དྲུག་དང་སྐར་མ༢༥་སྟེང་འཛམ་གླིང་བོན་གྱི་གཙུག་རྒྱན་རྒྱལ་བ་སྨན་རིའི་ཁྲི་འཛིན༣༣པ་རིན་པོ་ཆེ་མཆོག     གདན་ས་ཆེན་པོ༧དཔལ་གཤེན་བསྟན་སྨན་རིའི་གླིང་དུ་རེ་ཞིག་སྐུ་མི་རྟག་མྱ་ངན་ལས་པའི་ཚུལ་བསྟན་སོང་བས།   འཛམ་གླིང་ས་ཕྱོགས་ཀུན་ཏུ་བཞུགས་པའི་རྒྱ་ཆེའི་དད་འབངས་ཡོངས་ཀྱིས་དུས་ཚིགས་ཁྱད་པར་ཅན་འདི་ལ།   རང་རང་ས་ནས་དགེ་སྒྲུབ་སྡིག་སྤོང་གི་ལས་ལ་འབད་གལ་ཆེ་བར་ནན་ཞུ་བྱ་བ་དང་ཆབས་ཅིག     ངེད་རྒྱལ་གཤེན་བོན་སྒྲའི་དྲྭ་ཚིགས་ལས་སྒྲུབ་ཁང་གི་ངོས་ནས་རྗེ་སྨན་རིའི་ཁྲི་འཛིན་༣༣པ་མཆོག་གི་གཟུགས་སྐུ་ཡིད་བཞིན་ནོར་བུའི་བཀོད་པ་རེ་ཞིག་བོན་དབྱིངས་སུ་བསྡུས་པར་མྱ་ངན་ཡང་ཡང་ཞུས་པ་ལགས།               རྒྱལ་གཤེན་བོན་སྒྲ་དྲྭ་ཚིགས་ཁང་གིས།                            ༢༠༡༧/༩/༡༤ ཉིན།