0A8A89BB-BA62-46CF-9F10-D68D8B34A6DF-7239-00000DB7195E2F83_tmp

རྩོམ་པ་པོ་སྐྱིད་སྲས་ཀྱི་སྙན་དེབ་༼མུན་པའི་གར་༽གྱི་སྐྱེས་སྐར་བསུ་བ།

        རྩོམ་པ་པོ་སྐྱིད་སྲས་དགེ་ལེགས་ཉི་མས་འཇིག་རྟེན་འདིའི་མུན་པའི་རྩེ་དང་མུན་པའི་གཏིང་ནས་ཉུལ་བའི་རྩོམ་རིག་སྒྱུ་རྩལ་གྱི་གར་རྩེད་མྱུར་མོ་ཞིག་འུ་ཅག་སྒང་བ་ཚང་གི་ཀློག་མཁན་ཚོའི་གར་སྟེགས་སུ་མངོན་བྱུང་། དེས་ན་༼མུན་པའི་གར་༽གྱི་དཔར་སྐྲུན་གསལ་བཤད་ཀྱི་གླེང་མ་བཀོད་པའི་སྔོན་དུ་ཁོ་བོས་ཚིག་རེ་ཟུང་ཞིག་མོལ་ན་འདོད། མི་ལོ་ཉི་ཤུའི་གོང་དུ་བོད་གཞིས་བྱེས་གཉིས་སུ་ཆེད་གཉེར་རྩོམ་རིག་དྲ་རྒྱ་ཕར་བཞག་དུས་དེབ་ཀྱང་ཧ་ཅང་ཉུང་ཉུང་རེད། སྐབས་དེར་དུས་དེབ་ཁག་ཏུ་རྩོམ་ཡིག་མི་ཚུད་པའི་དཀའ་ངལ་ཡོད་པ་རེད། རྩོམ་ཡིག་རེ་ཟུང་དུས་དེབ་ཏུ་ཚུད་དུས་སྣང་བ་མཐོ་ཙམ་དང་གོམ་པ་ཡངས་ཙམ་ཡོད། དཔེར་ན་ཕྲན་གྱིས་ཀྱང་བར་སྐབས་ཞིག་ལ་བོད་ཀྱི་རྩོམ་པ་པོ་ཆུང་ཆུང་ཞིག་ཡིན་ཁུལ་བྱས་མྱོང་། དེ་ནི་ཕལ་ཆེར་ཕྱི་ལོ་ ༢༠༠༡ ལོར་ཡིན་པ་ཡོད། ཕྲན་གྱིས་བྲིས་པའི་སྙན་ངག་༼མུན་ཁྲོད་ནས་འཐེན་པའི་ལྷ་དར་དཀར་པོ།༽ཞེས་པར་བྱེས་ཀྱི་དུས་དེབ་ཡག་གྲས་༼རྩམ་པ་༽རྩོམ་སྒྲིག་ཁང་གི་ལོ་དེའི་རྩོམ་ཡིག་འགྲན་བསྡུར་ཁྲོད་ཨང་གཉིས་པའི་བྱ་དགའ་ཐོབ་པ་རེད། དེ་ལས་དགའ་བའི་ཚོར་བ་ཞིག་ཕལ་ཆེར་ངའི་མི་ཚེའི་ནང་དུ་བྱུང་མེད་ཟེར་ན་རྫུན་མིན། 

A

བོན་གྱི་དཔེ་དེབ་གསར་ཐོན་གྱི་གསལ་བསྒྲགས།

     རང་ཅག་བོན་འབངས་རྣམས་ལ་བཀའ་དྲིན་འགྲན་ཟླ་དང་བྲལ་བའི་སྐྱེས་མཆོག་དམ་པ་༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་སོ་གསུམ་པ་ཆེན་པོ་མཆོག་གིས་ཉེ་ཆར་གདུལ་བྱའི་རྟག་འཛིན་གྱི་མདུད་པ་བཀྲོལ་བའི་ཕྱིར་དུ་གཟུགས་སྐུའི་བཀོད་པ་བོན་དབྱིངས་སུ་ཞི་བར་གཤེགས་པའི་ཚུལ་བསྟན་པ་འདིས་ལྷར་བཅས་འགྲོ་བ་སྤྱི་དང་། ཁྱད་པར་དུ་སངས་རྒྱས་གཡུང་དྲུང་བོན་གྱི་བསྟན་པ་རིན་པོ་ཆེའི་རྗེས་སུ་འཇུག་པའི་གདུལ་བྱ་ཡོད་དོ་ཅོག་ཆེས་བཟོད་ཐབས་བྲལ་བའི་སྡུག་བསྔལ་བསམ་གྱིས་མི་ཁྱབ་པའི་གནས་སུ་ལྷུང་བ་སྨྲོས་ཅི་ལ་དགོས། །     དེས་ན་༧དཔོན་གསས་བླ་མ་དམ་པའི་བཀའ་དྲིན་བླ་ན་མ་མཆིས་པ་དྲན་པ་དང་ཤེས་པའི་སྒོ་ནས་རང་ཉིད་ས་ཕྱོགས་གང་དུ་གནས་ཀྱང་རུང་རང་ནུས་ཀྱིས་བསྟན་འགྲོའི་བྱ་བར་འབད་ཐུབ་ཚེ་རང་གིས་ཡུན་གྱིས་བསགས་པའི་བསོད་ནམས་བཟང་པོའི་ལས་ཀྱི་འཕྲོ་མཐུད་པ་དང་། ད་ལྟའི་མི་ཚེ་དོན་ཡོད་དུ་སྒྲུབ་པའི་འགན་འཁྲི་ཕྲག་ཏུ་ལོངས་པ། ཁྱད་པར་དུ་༧དཔོན་གསས་བླ་མའི་ཐུགས་བརྩེས་ཚེ་རབས་ནས་ཚེ་རབས་སུ་འདོར་དུ་བྲལ་བའི་བྱིན་རླབས་དྲོན་མོ་ཞིག་རང་ཉིད་ཀྱི་སྲོག་རྩར་བརྒྱུས་པ་དེའོ། ། །     དེ་མཚུངས་ལྟར་འདི་ག་རྒྱལ་གཤེན་ཞང་བོད་སློབ་གཉེར་ཁང་གི་ཡན་ལག་རྒྱལ་གཤེན་དཔེ་སྐྲུན་ཁང་གིས་མེ་ཏོག་ཆུང་ཀྱང་མཆོད་རྫས་ཞེས་པའི་དཔེ་ལྟར་སྟོང་གསུམ་གསེར་གྱིས་བཀང་ཡང་གཞལ་དུ་བྲལ་བའི་༧དཔོན་གསས་བླ་མ་དམ་པའི་བཀའ་དྲིན་དྲན་པའི་འདུ་ཤེས་ཙམ་མཚོན་བྱེད་དུ་སྟོན་པ་རྫོགས་པའི་སངས་རྒྱས་གཤེན་རབ་མི་བོའི་མཛད་རྣམ་ཆེས་ཉུང་དུ་བསྡུས་པ་མཚན་དུ་༼སངས་རྒྱས་གཤེན་རབ་མི་བོ།༽ཞེས་དབྱིན་བོད་ཟུང་འབྲེལ་བརྙན་རིས་ཅན་གྱི་དེབ་ཆུང་གཅིག་དང་། ལུང་རིག་སྨྲ་བའི་མཁས་མཆོག་སྨན་རིའི་མཁན་རབས་ཉེར་གསུམ་པ་༧ཀུན་མཁྱེན་ཉི་མ་བསྟན་འཛིན་གྱིས་མཛད་པའི་སངས་རྒྱས་གཡུང་དྲུང་བོན་གྱི་སྐྱབས་འགྲོའི་རྣམ་བཞག་༼དགེ་སྤྱོད་འཕགས་ནོར་བདུན་གྱི་ནང་ཚན་སྐྱབས་འགྲོའི་རྣམ་བཤད་ཉུང་བསྡུས་རབ་གསལ་ཉི་འོད།༽དེ་ཉིད་འཛམ་གླིང་གི་སྐད་རིགས་ཆེན་པོ་གསུམ་སྟེ་དབྱིན་ཇི་དང་། English རྒྱ་ཡིག中文 སུ་པེན་ Spanish བཅས་སུ་ཕབ་བསྒྱུར་དང་དེབ་གཟུགས་སུ་དཔར་སྐྲུན་ལེགས་པར་གྲུབ་ནས་བཀུར་འོས་ཀློག་པ་པོ་དག་གི་སྤྱན་སྔར་འགྲེམས་སྤེལ་གྱི་འགོ་རྩོམ་བཞིན་ཡོད། །    དེས་ན་དཔེ་དེབ་འདི་དག་ཐུགས་མཁོ་ཚེ་རྒྱལ་གཤེན་ཞང་བོད་སློབ་གཉེར་ཁང་དང་། རྒྱལ་གཤེན་དཔེ་སྐྲུན་ཁང་། ཡང་ན་རྒྱལ་གཤེན་བོན་སྒྲའི་དྲ་ཚིགས་རྩོམ་སྒྲིག་པ་སུ་རུང་ལ་འབྲེལ་གཏུགས་གནང་འཐུས་པ་བཅས་ཀྱི་གསལ་བསྒྲགས་སུ། ། རྒྱལ་གཤེན་དཔེ་སྐྲུན་ཁང་ནས།

Screen Shot 2017-01-21 at 6.33.33 PM

ལེགས་བཤད་ལམ་རིམ་དྲུག་ཅུ་པ།

༅༅།། ལེགས་བཤད་ལམ་རིམ་དྲུག་ཅུ་པ་བཞུགས། Elegant Saying on the Gradual Stages གློག་དེབ། PDF རྒྱལ་གཤེན་དཔེ་སྐྲུན་ཁང་།   ། རྒྱས་པར་གཟིགས་འདོད་ན་འདིར་ ནོན་དང་ཀློག་ཐུབ།

IMG_0408

ནག་རྩིས་སྣང་སྲིད་མེ་ལོང་ལས་སྔོན་འགྲོ་དབྱིན་སྒྱུར་ཅན།

གཙུག་ལག་རྩིས་ཀྱི་རིག་པ་ནག་རྩིས་སྣང་སྲིད་མེ་ལོང་ལས་སྔོན་འགྲོའི་རབ་བྱེད་བཞུགས། The Black Calculation called Mirror of the Universe: Chapters One and Two མཛད་པ་པོ། མཁས་གྲུབ་ལུང་རྟོགས་རྒྱ་མཚོ། Translated by Malcolm Smith གློག་དེབ། PDF རྒྱལ་གཤེན་དཔེ་སྐྲུན་ཁང་། Gyalshen Publication ནག་རྩིས་སྣང་སྲིད་མེ་ལོང་། The Mirror of the Universe (PDF)    

IMG_8825

<<ཞང་བོད་ཤེས་རིག་གནའ་དེང་གསལ་བའི་མེ་ལོང་།>དཔར་བསྐྲུན་གྲུབ་ཡོད།

གནའ་དེང་རིག་པའི་གཞུང་ལུགས་ལ་མཁྱེན་རྒྱ་ཡངས་པའི་རྩོམ་པ་པོ་མཁན་པོ་ཚུལ་ཁྲིམས་བསྟན་འཛིན་ནམ་རྒན་གངས་སེང་ལགས་ཀྱིས་བརྩམས་པའི་<<ཞང་བོད་ཤེས་རིག་གནའ་དེང་གསལ་བའི་མེ་ལོང་།>>དཔར་བསྐྲུན་གྲུབ་སྟེ་ད་ཆར་རྒྱལ་ཕྱི་ནང་ཀུན་ཏུ་འགྲེམས་སྤེལ་ཞུ་འགོ་ཚུགས་ཡོད།