ཇ་མངར་མོ་ཞིག་གི་ཚབ་མཚོན་སྙན་ངག

ཕྱི་རུ་གད་སྙིགས་མང་ན་ཡང་།། ནང་དུ་སེམས་ཁམས་སྐྱིད་པ་ཡི།། རྡུལ་གྱིས་གཡོག་པའི་སྲང་ལམ་ནས།། རེ་ཞིག་མཐོང་སྣང་འདི་འདྲ་བྱུང་།།

རིན་པོ་ཆེ། ཁྱེད་གང་དུ་བཞུགས།

༡༽སྙིང་ཁར་ཆུ་འཁྱག་ཕོར་བ་གང་བླུག་ཀྱང་འདི་ལས་ལྷག་པའི་གྲང་ངར་ཞིག་ཨེ་ཡོད། གཤིན་རྗེའི་འཕྲང་དུ་ཉི་མ་བརྒྱར་འགྲིམས་ཀྱང་འདི་ལས་ལྷག་པའི་སྡུག་བསྔལ་ཞིག་ཨེ་ཡོད། ཡོད་རྒྱུ་མ་རེད། ཅི་འདྲའི་གཏམ་ངན་རེ་རྣ་བར་ཐོས་རྒྱུ་འདུག ཅི་འདྲའི་གནས་ཚུལ་རེ་དྲ་ཐོག་ནས་མཐོང་རྒྱུ་འདུག གཏམ་ངན་དེས་ངའི་སྙིང་ཁ་དྲོན་མོ་འཁྱག་ལ་སྦྱར། གནས་ཚུལ་དེས་ངའི་སེམས་པ་སྐྱིད་པོ་སྡུག་གིས་མནན། ཉིན་དེའི་ཕྱི་དྲོར་ངའི་བླ་མ་དག་ཞིང་དུ་ཕེབས་འདུག་ཟེར། ཡིན་རྒྱུ་མ་རེད། བདེན་རྒྱུ་མ་རེད། ཉི་མ་དེར་ཡར་གྱི་དཀོན་མཆོག་ལ་གསོལ་བ་འདེབས་བཞིན་ཡོད། བར་གྱི་ལྷ་སྲུང་ལ་དམ་ཚིག་བརྡར་བཞིན་ཡོད། ཡུལ་ས་གཞི་བདག་ལ་འཕྲིན་ལས་བཅོལ་བཞིན་ཡོད། ནག་ཕྱོགས་བདུད་སྲིན་ལ་སྦྱིན་པ་གཏོང་བཞིན་ཡོད། དཀོན་མཆོག་ཚོ་གང་དུ་གཤེེགས་སོང་། ལྷ་སྲུང་ཚོ་གང་དུ་བྲོས་སོང་། ། /

དགེ་ཆོས། དུས་རབས་ཀྱི་རྡོ་རིང་།

། ། མ་བཅོས་སེམས་ཀྱི་འདུན་པ་དཀར་པོ་མ་ཕམ་གཡུ་མཚོའི་གཏིང་ལས་ཟབ། ལེཊ་བཤད་གསེར་གྱི་ཐིག་ཤིང་དྲང་པོ་གནམ་སའི་བར་ན་ལྷང་ངེར་བཙུཊ། ། བདེན་གཏམ་རིག་པའི་ཁྱེའུ་བསྙོལ་བར་ལ་རྒྱའི་སེམས་སྟོབས་བྲང་ན་རུམ། ། ས་ཡ་དྲུག་གི་ཀློང་ནས་ཐོན་ཅིང་འཛམ་གླིང་མཛེས་པའི་གདུགས་ལྟར་གྱུར། ། ། སྐུ་བརྗིད་མཛེས་སྡུག་མེ་ཏོག་ཆུང་ངུ་རིག་པ་འབྱུང་བའི་གྲོང་ལས་འཚར། ། ལྷན་སྐྱེས་ངག་རིག་འགྱུར་ཁུག་རེ་རེས་ལུས་ཅན་ཀུན་ལ་བདེ་དྲོད་བསྐྱིལ། ། མི་རིགས་ཤིག་གི་ལས་ལ་འཁྱུད་པའི་ལྕགས་སྒྲོག་དམར་པོ་སྤྱན་རྩར་ཕོག ། ལ་རྒྱའི་རེ་སྤོབས་ཡིད་ལ་བཅངས་ནས་ཕྲག་དོག་གཏམ་གྱི་གཡང་ལ་སྦྱར། ། ། ཀླད་མེད་རྒན་པོའི་ཞལ་ལ་མ་ཉན་རང་འདོད་སེམས་ཀྱི་ལྗིད་ཚད་གཞལ། ། རྣམ་རྟོག་བློ་མུག་རྒྱང་དུ་བསྐྲད་ནས་ལོ་རྒྱུས་གསར་རྙིང་བྲང་ཁོག་གཏོར། ། མིང་དུ་གྲགས་པའི་མཁས་པ་འགའ་ལ་བློ་བསྐྱེད་གསེར་ནག་ཁུ་བ་བསིལ། ། རང་དབང་སྤྱོད་པའི་བསྐལ་བ་ཕྲ་ཡང་རང་སེམས་གསོ་བའི་གླུ་རེ་བཞེས། ། ། བཀྲ་ཤིས་འཁྱིལ་གྱི་ཆོས་རའི་ནང་དུ་རིག་རྒོད་སྟོང་གི་སེམས་པ་དཀྲིགས། ། ན་ཚོད་མཉམ་པའི་ཆོས་གྲོགས་ཚོ་གཅིག་ཕྲག་དོག་གཏམ་གྱི་གཡང་ལ་སྦྱར། ། ཐལ་ཤལ་སྤྱོད་པས་རྡོ་དང་དབྱུག་གུ་ཇ་ཤིང་ལ་སོགས་མཚོན་ལྟར་དྲངས། ། དེ་ཡང་འགྲན་བྲལ་སྐྱེས་བུ་ཞིག་གི་ཁྱད་ནོར་ལྡན་པའི་དཔང་རྟགས་ཡིན། ། ། ཞབས་སེན་མུ་ཏིག་རེ་ཁ་ཟླུམ་པོ་དབུས་ཕྱོགས་ཆོས་ཀྱི་ཁམས་སུ་བསྒྱུར། ། དྲང་སྲོང་ཚོགས་ཀྱི་རྨི་ལམ་དུ་ཡང་འབྱོན་པ་དཀའ་བའི་རིག་པ་འབར། ། རིགས་ལམ་འཕྲུལ་གྱི་སྒྱོགས་རྡོ་རྣོན་པོས་མཁས་རྒུའི་དྲེགས་པ་ས་ལ་བསྒྱེལ། ། ལེགས་བཤད་ཆོས་ཀྱི་ར་བ་དཀར་པོར་དགེ་ཆོས་སྙན་པའི་རྡོ་རིང་བཞེངས། ། ། འཆད་པའི་འབབ་རྒྱུན་ཤིན་ཏུ་རིང་བས་རྨ་ཀླུང་བུ་མོའི་དཔལ་ལ་འགྲན། ། རྩོད་པའི་བརྒལ་བརྟག་ཤིན་ཏུ་མྱུར་བ་གནམ་ལྕཊ་སྔོན་མོའི་རྗེས་སུ་འགྲོ། ། …