༧རྒྱལ་བ་སྨན་རི་བར་བརྟན་བཞུགས་རྒྱས་འབུལ། Gratitude Tenshug

རྩོམ་ཡིག་འདི་ཐེངས། 1305 བཀླགས་འདུག

hh-doing-chamma-empowerment-2013

༅༅།། འཛམ་གླིང་རྒྱལ་ཁབ་ཕྱི་ནང་གང་སར་བཞུགས་པའི་ཐེག་ཆེན་སངས་རྒྱས་གཡུང་དྲུང་བོན་གྱི་བསྟན་པའི་རྗེས་སུ་འཛིན་པའི་དད་དམ་གཡོ་བ་མེད་པའི་རྒྱ་ཆེའི་བོན་འབངས་རྣམས་ཀྱི་སྙན་དབང་དུ་ཞུ་དོན།


img_3851ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ༧རྒྱལ་བ་སྨན་རི་བའི་ཁྲི་འཛིན་རིན་པོ་ཆེ་མཆོག་ལ་བཀའ་དྲིན་རྗེས་དྲན་གྱི་བརྟན་བཞུགས་ག་དུས་འབུལ་མིན་གྱི་ཟླ་ཚེས་བརྟན་བཞུགས་གོ་སྒྲིག་ཚོགས་པའི་ཚོགས་མི་རྣམས་ནས་མང་མོས་ཀྱི་གྲོས་མཐུན་བྱུང་བ་ལྟར། ཕྱི་ལོ་༢༠༡༦ཕྱི་ཟླ་༡༡ཚེས་༡་དང། བོད་ཟླ་༩པའི་ཚེས་༢་རེས་གཟའ་མིག་དམར་གཟའ་སྐར་འཕྲོད་སྦྱོར་དགེ་བའི་ཉིན་འབུལ་གཏན་ཐག་ཆོད་བྱུང་བ་ལྟར། དེ་ལུགས་ལྷན་རྒྱས་རྣམས་ནས་འདི་ག་གདན་ས་ཆེན་མོ་༧དཔལ་གཤེན་བསྟན་སྨན་རིའི་དགོན་དུ་ཕེབས་ཕྱོགས་ཀྱི་སྐོར་ལ་སྔོན་ཚུད་ནས་གྲ་སྒྲིག་གནང་བའི་རེ་འདུན་ཞུ་བཞིན་ཡོད། མཁྱེན་གསལ་ལྟར་ལོ་གཅིག་ལྷག་གི་གོང་ནས་གོ་སྒྲིག་དང་གསལ་བསྒྲགས་གནང་ཟིན་པ་ལྟར། འགྲོ་བ་སྤྱི་དང་ཁྱད་པར་དུ་རང་ཅག་བོན་འབངས་རྣམས་ལ་བཀའ་དྲིན་བསམ་གྱིས་མི་ཁྱབ་པར་མཛད་གནང་བའི་༧སྐྱབས་རྗེ༧མཁན་སློབ་རྣམ་གཉིས་ལ་དད་ལྡན་བོན་འབངས་རྣམས་ནས་བཀའ་དྲིན་རྗེས་དྲན་གྱི་ཚུལ་དུ་མཎྚལ་བརྟན་བཞུགས་རྒྱས་པ་ཞིག་འབུལ་རྒྱུའི་གྲ་སྒྲིག་ཞུས་པ་ལྟར་༧སྐྱབས་རྗེ་༧ཡོངས་འཛིན་སྨྲ་བའི་དབང་པོ་མཆོག་ལ་དུས་ཐོག་ཏུ་སྦྱོར་དངོས་རྗེས་གསུམ་དང་བཅས་པ་འཐུས་སྒོ་ཚང་བའི་སྒོ་ནས་བརྟན་བཞུགས་ཕུལ་ཐུབ་པའི་སྐལ་བཟང་གི་དུས་སྟོན་ཞིག་བྱུང་སྟེ་ཐམས་ཅད་དགའ་བ་འབུམ་དུ་བརྟས་ཤིང་མཛད་སྒོའི་མཇུག་བསྡོམ་ཞུས་ཟིན་པ་དང། འོན་ཀྱང་༧སྐྱབས་རྗེ་༧སྨན་རིའི་ཁྲི་འཛིན་རིན་པོ་ཆེ་མཆོག་གི་སྐུ་ཡི་སྙུང་གཞིའི་བབས་ལ་བརྟེན་ནས་དུས་ཐོག་ཏུ་བརྟན་བཞུགས་འབུལ་མ་ཐུབ་ནས་ད་བར་དུ་ནར་འགྱངས་སུ་ལུས་མོད། ཟླ་བ་ཁ་ཤས་ཀྱི་རིང་ལ་ཨ་རིར་སྨན་བཅོས་ལ་ཕེབས་ནས་བསྟན་སྲུང་དམ་ཅན་རྒྱ་མཚོའི་མཐུ་སྟོབས་དང་དད་དམ་གཡོ་བ་མེད་པའི་རྒྱ་ཆེའི་བོན་འབངས་རྣམས་ནས་ཞབས་རིམ་བླ་མེད་དུ་བསྒྲུབས་པ་ལ་བརྟེན་ནས་སྨན་བཅོས་རྣམས་ཧ་ཅང་གི་ལམ་ལྷོང་ལེགས་གྲུབ་བྱུང་སྟེ། ད་ཆར་གདན་ས་སྨན་རིར་ཞབས་སོར་བདེ་ཐང་ངང་བཀོད་ཡོད་ཅིང་མཛད་འཕྲིན་རྣམས་མུ་མཐུད་ནས་སྔར་མུས་བཞིན་གནང་བཞིན་ཡོད་པའི་གནས་ཚུལ་བཟང་པོ་འདི་ཁྱེད་དད་ལྡན་ཡོངས་ལ་ཞུ་འདོད་བྱུང་། དེས་ན་གོང་འཁོད་ཀྱི་ཟླ་ཚེས་ལ་འདི་ག་གདན་ས་སྨན་རིར་༧སྐྱབས་རྗེ་༧རྒྱལ་བ་སྨན་རི་བ་མཆོག་ལ་བརྟན་བཞུགས་འབུལ་རྒྱུའི་སྐལ་བཟང་གི་ཉིན་མོར་དད་ལྡན་བོན་འབངས་རྣམས་ནས་ཀྱང་གལ་ཆེ་དོན་ཆེར་དགོངས་ནས་དུས་ཐོག་ཏུ་ཕེབས་ཐུབ་པའི་རེ་བ་དང་འབོད་བསྐུལ་ཞུ་བཞིན་ཡོད། འདི་ལྟ་བུའི་བསྐལ་བ་བཟང་པོའི་གོ་སྐབས་ཡང་ཡང་འབྱུང་རྒྱུ་ནི་ཤིན་ཏུ་ནས་དཀའ་བར་མ་ཟད། ངེད་ཚོའི་འདས་པའི་ལོ་རྒྱུས་ལ་གཞིགས་ཀྱང་འདི་ལྟར་ཕལ་ཆེར་བྱུང་མྱོང་མེད་པས། དེས་ན་ལོ་རྒྱུས་སུ་བཀོད་འོས་པའི་དུས་སྐབས་འདི་འདྲ་ལ་ཀུན་གྱིས་ཆ་ཤས་ལེན་དགོས་པ་ནི་གལ་པོ་ཆེ་ལ་ནན་ཏན་གྱི་དཔེ་ལྟར་ཞུ་བཞིན་ཡོད། དེ་ཡང་རང་གི་རྩ་བའི་བླ་མ་ལ་མཎྚལ་འབུལ་བ་ནི་ཕན་ཡོན་བསམ་གྱིས་མི་ཁྱབ་པར་ཡོད་པ་ནི་མདོ་རྒྱུད་རྒྱ་མཚོ་ལས་གསལ་པོར་གསུངས་ཡོད་པ་ང་ཚོས་བསྐྱར་བརྗོད་བྱེད་དགོས་དོན་མ་མཆིས་པས་དེ་དོན་དགོངས་འཇགས་བཅས།།

༧སྐྱབས་རྗེ་མཁན་སློབ་རྣམ་གཉིས་ལ་བརྟན་བཞུགས་རྒྱས་འབུལ་

གོ་སྒྲིག་ཚོགས་པའི་རྒྱུན་ལས་ཐུན་མོང་ནས།

ཕྱི་ལོ་༢༠༡༦ལོའི་ཟླ་༩བའི་ཚེས་༧ཉིན།

/

……………………………………………………………………………………………………………………………………………………………………………….

‘./

img_3850

An Announcement for the Faithful Worldwide Followers of Yungdrung Bön:

/

    The members of the Gratitude Tenshug Committee are currently making preparations to offer The Gratitude Long Life Mandala Offering to His Holiness the 33rd Menri Trizen Lungtok Tenpa’i Nyima Rinpoche on the auspicious day of November 1, 2016 and we hope that many people will be able to attend this ceremony.

/

      As many of you know, the Gratitude Long Life Mandala Offering Ceremonies for His Holiness 33rd Menri Trizen Rinpoche and His Eminence Yongzin Tenzin Namdak Rinpoche was announced earlier and the ceremony for His Eminence Yongzin Tenzin Namdak Rinpoche at Triten Norbutse Monastery was completed with great success.

/

       However, due to the health issues of His Holiness 33rdMenri Trizen Rinpoche, the Gratitude Long Life Mandala Offering could not be presented to him as it was necessary for him to stay in the US for medical treatment.  Fortunately, with the grace of the protectors and deities, and the prayers of the faithful worldwide followers, His Holiness is now in great health and has returned to Menri Monastery where he continues his great work on behalf of sentient beings.

/

      Therefore, being mindful of this great opportunity, we hope that all of you will be able to participate in the this Gratitude Long Life Mandala Offering on November 1, 2016 at Menri Monastery in Dholanji, India.   This is a great and rare opportunity and we encourage you to take part in this historical event.  The merit of offering a Long Life Mandala to the lama is inconceivable.

 

The Gratitude Tenshug Organizing Committee

September 7 , 2016

 

/

བསམ་ཚུལ་ཕྲིས།

སྐུ་ཉིད་ཀྱི་གློག་འཕྲིན་ཁ་བྱང་གཞན་གྱིས་མཐོང་མི་ཐུབ། སྐར་རྟགས་ཅན་རྣམས་ངེས་པར་དུ་སྐོང་དགོས། *