བན་བོན་རིག་གཞུང་ཁྲོད་ཀྱི་རིག་འཛིན་སྐོར་ཞིབ་བསྡུར།

དགེ་བློ་གྲོས། ནང་དོན་གནད་བསྡུས། བན་བོན་གཉིས་ཀྱི་རྒྱུད་གཞུང་དུ་བཤད་པའི་རིག་འཛིན་ཞེས་པའི་སྐོར་ལ་དཔྱད་ཞིབ་དང་། བསེན་ཐུབ་ཀྱི་འགྲེལ་དུ་གསུངས་པའི་རིག་འཛིན་ཐར་བའི་ལམ་བརྒྱད་སོགས་གསང་སྔགས་གནད་ཀྱི་རྫོང་འཕྲང་ལས་ངོ་བཤུས་བྱས་པའི་སྐོར་ལས་འཕྲོས་ཏེ། བན་བོན་གྱི་གཞུང་མི་འདྲ་བ་སྐོར་ཞིག་ལས་རིག་འཛིན་སོགས་ཀྱི་ས་མཚམས་འཇོག་སྟངས་དང་། རིག་འཛིན་ལ་དབྱེ་སྟངས་མི་འདྲ་བ། དཔེར་ན། རིག་འཛིན་རྣམ་བཞི་དང་། རིག་འཛིན་རྣམ་དྲུག རིག་འཛིན་རྣམ་བརྒྱད། རིག་འཛིན་རྣམ་བཅུ་སོགས་ཀྱི་རྣམ་བཞག་འབྱེད་མཁན་སུ་ཡིན་མིན་སྐོར་ཕན་ཚུན་དཔྱད་བསྡུར་བརྒྱུད་ནས་འབྲི་ཁུལ་བྱས་པ་ཞིག་ཡིན། བརྡ་ཆད་གཙོ་བོ།      རིག་འཛིན། སེམས་དཔའ། སྤྱིར་ན་བོད་ཀྱི་རིག་གཞུང་ལ་ཐབས་ལམ་མི་འདྲ་བ་མང་པོ་བཀོལ་ནས་དཔྱད་ཞིབ་བྱ་ཆོག་པ་མ་ཟད། དེང་སང་མི་བྱིངས་ཆེ་བས་རྩོམ་ཡིག་གི་ལམ་ནས་རིག་གཞུང་ལ་དཔྱད་པ་གཏོང་གིན་ཡོད་ལ། སྤྱི་ཚོགས་ནས་དགོན་སྡེའི་རབ་བྱུང་པ་དག་གིས་ཀྱང་རྟགས་གསལ་གྱི་ལམ་ནས་རིག་གཞུང་ལ་ལྟ་བའི་རིག་གནས་ཤིག་ལས་བརྒལ་ཅི་ཐུབ་བྱས་ཏེ། དེང་རབས་དཔྱད་རྩོམ་འབྲི་བའི་ལམ་དུ་བུད་ནས་ཡུན་རིང་ཡིན་པར་མ་ཟད། ལྟོས་འཇོག་གིས་གྲུབ་འབྲས་ཀྱང་ལོན་ཚོད་གདའ། དེ་ཡིན་ཙང་། ངས་ཀྱང་རྩོམ་ཡིག་གི་ལམ་ནས་བོན་གྱི་གསང་སྔགས་གཞུང་ལས་གསུངས་པའི་རིག་འཛིན་ནམ་སེམས་དཔའ་ཞེས་པའི་ཡིག་འབྲུ་འདི་གཉིས་ལས་གྱེས་ཏེ་རགས་བཤད་ནས་ཞིབ་བཤད་ཀྱི་ལམ་དུ་གང་ཐུབ་ཐུབ་ཀྱིས་བུད་དེ། བོན་གྱི་མཁས་པ་རེ་འགའི་རིག་འཛིན་སྐོར་ལ་བཟུང་བའི་ལྟ་ཚུལ་འདྲ་མིན་དང་ཡང་ན་ནང་ཕན་ཚུན་འགལ་འདུ་ཡོད་མེད་ཀྱི་སྐོར་ནས་རིག་འཛིན་ཞེས་པ་ཡང་སྙིང་ཅི་ཞིག་ཡིན་མིན་བཤད་པར་སྤྲོ་བས་བརྟས་ཤིང་། དེ་དང་ལྷན་དུ་གཞན་སྡེའི་རིག་གཞུང་སྐོར་ཞིག་ལའང་ཟུར་ཙམ་བལྟས་པས་གཞན་སྡེའི་རྡོ་རྗེ་ལས་རིམ་ཞེས་པའི་གཞུང་འདི་དང་བོན་གཞུང་ཁྲོ་བོ་རྒྱུད་དྲུག་གཉིས་ལ་འདྲ་བའི་ཆ་མང་བས་གང་ལས་གང་སྔ་མིན་གྱི་སྐོར་ཡང་དོགས་འདྲི་ཞིག་གི་ལམ་ལ་བུད་ནས་བརྗོད་ཁུལ་བྱས་ཏེ་ད་ནི་གཞུང་དངོས་ལ་འཇུག་པར་བྱ་ལ་དེ་ཡང་ཁོ་བོས་སྔར་དཔེ་ཀློག་ཁྲོད་ནས་རྙེད་པའི་རིག་འཛིན་གྱི་སྐོར་གླེང་ཡོད་སའི་བན་བོན་གྱི་གཞུང་མི་འདྲ་བ་འགའ་ཡོད་པ་ལས་ཐོག་མར་ཁྲོ་བོ་རྒྱུད་དྲུག་གི་བྱུང་རིམ་དང་། མཛད་པ་པོ་སོགས་ངོ་སྤྲོད་བརྒྱུད་ནས་ཁྲོ་བོ་རྒྱུད་དྲུག་ཏུ་གསུངས་པའི་སེམས་དཔའ་རྣམ་བཞི་སྐོར་གྱི་ལུང་ཚིག་ཇི་བཞིན་དྲངས་ཏེ། དེར་འབྲེལ་གྱི་རིག་འཛིན་སྐོར་འཆད་སའི་རིག་གཞུང་དག་རིམ་བཞིན་གླེང་ནས། མཐར་གཞུང་དེ་དག་གི་ལུང་ཚིག་ཕན་ཚུན་ཞིབ་བསྡུར་བྱས་ནས་དཔྱད་པ་བཏང་སྟེ་རིགས་སྨྲ་ཡོངས་ལ་བློ་འདྲི་གྲོས་གསུམ་དུ་ཕུལ་བའོ། ། ཁྲོ་བོ་རྒྱུད་དྲུག་དང་སེམས་དཔའ་རྣམ་བཞི། ཁྲོ་བོ་རྒྱུད་དྲུག་ཅེས་པ་ནི་སྟོན་པ་འཆི་མེད་གཙུག་ཕུད་ཀྱིས་གསུངས་ཤིང་། བོན་གྱི་ལོ་རྒྱུས་ལྟར་ན། ཕྱིས་སུ་སྤུ་རྒྱལ་བོད་ཀྱི་རྒྱལ་ཐོག་སོ་བརྒྱད་པ་ཁྲི་སྲོང་ལྡེའུ་བཙན་གྱི་རིང་ལ་བོན་རྡུང་ཆོས་སྐྱོང་ཞེས་པའི་རྩ་འཛུགས་ཤིག་བཙུགས་ཏེ་བཙན་གྱིས་བོན་དཔེ་རྣམས་ཆུ་ལ་བསྐྱུར་བ་དང་། མེ་ལ་བསྲེགས་པ། ལ་ལ་གཡའ་གོང་དང་གངས་གོང་དུ་འཁྱེར་ཅིང་བློན་པོ་གདུག་པ་ཅན་རྣམས་ཀྱིས་རླུང་ལ་བསྐུར་ཏེ་ཡ་ང་བའི་སྐྱོ་སྣང་དང་བཅས་བོན་དཔེ་རྣམས་ནུབ་ལ་ཁད་དུ་བྱས་རབས་ཀྱི་ལོ་རྒྱུས་མང་ཞིང་། སྐབས་ཀྱི་བླ་ཆེན་དྲན་པ་ནམ་མཁའ་སོགས་ཀྱིས་བོན་དཔེ་རེ་འགའ་ཕོ་བྲང་དབུས་ཀྱི་ཡང་རྩེར། བསེ་སྒྲོམ་སྨུག་པོའི་ནང་དུ། གསེར་དང་ཁྲོ་ཆུའི་འཐེབ་རྒྱས་བཏབ་ནས་བཞག་རབས་སོགས་གསུང་གིན་ཡོད་ལ། སྒོས་སུ་འདིར་བཤད་པར་བྱ་བའི་སྤ་གྲོའི་ཁྲོ་བོ་རྒྱུད་དྲུག་འདི་ཉིད་ནི་ཁྲི་སྲོང་ལྡེའུ་བཙན་གྱི་སྲས་འབྲིང་བ་མུ་དུག༼མུ་ཏིག༽བཙན་པོ་དང་ཁྱུང་པོའི་བོན་པོ་གྱེར་ཟླ་མེད་གཉིས་ཀྱིས་ཕོ་བྲང་བསེ་སྒོ་ཅན་ནས་བཏོན་ཏེ་སྤ་གྲོ་རུ་སྦས་ཚུལ་སོགས་ཀྱི་ལོ་རྒྱུས་དག་ནི༼འགྲེལ་བཞི་རིག་པའི་རྒྱ་མཚོའི༽དབུར་གསལ་ཞིང་། ད་རུང་སྒ་སྟོན་ཚུལ་ཁྲིམས་རྒྱལ་མཚན་གྱི༼གཏེར་གྱི་ཁ་བྱང་༽དང་། སྤ་བསྟན་རྒྱལ་བཟང་བོའི༼དར་རྒྱས་གསལ་སྒྲོན༽གཉིས་ཀར་གསལ་བས་རྒྱས་བཤད་མི་དགོས་ཤིང་དེར་གཟིགས་པས་འཐུས་པ་ལ། སྔོན་གྱི་བོན་གཤེན་རྣམས་ཀྱིས་གཡུང་དྲུང་བོན་འདི་དུས་གཏན་དུ་ནུབ་པ་ལ་ཐུགས་ཡིད་མ་དགྱེས་པར་སྨོན་ལམ་བཏབ་པའི་མཐུ་ལས་བོན་དཔེ་འགའ་ནུབ་མ་བཏུབ་པར། བོན་བསྟན་ཕྱི་དར་གྱི་དབུ་བརྙེས་རྗེས་ཀྱི་ལོ་བདུན་གྱི་མཚམས་སུ་སྤྱི་ལོའི་དབང་དུ་༡༠༢༤ལོར་རྨེའུ་ལྷ་རུ་གཉན་པོ་དང་དུས་མཉམ་དུ་སྐུ་འཁྲུངས་པའི་ཁུ་ཚ་ཟླ་འོད་ཁོང་གིས་ད་ལྟ་(不丹)འབྲུག་ཡུལ་ཁོངས་གཏོགས་(巴卓)སྤ་གྲོའི་ཕུག་གཅལ་ནས་གཏེར་ནས་བཞེས་ཏེ་ཁྲོ་བོ་རྒྱུད་དྲུག་གི་འཕྲིན་ལས་ད་ལྟའང་མ་ཉམས་པར་དགོན་སྡེ་རུ་རྒྱས་དང་རྒྱས་བཞིན་པ་འདི་ཉིད་ཡིན་ཞིང་། ཁོང་ནི་ཐང་ཡིག་ལས་གསུངས་པའི་ཀུ་ས་སྨན་པ་དང་། གཞན་དུ་བཤད་པའི་སྐུ་ཚ་སྟོན་པ་དང་། ཀུན་སྤངས་ཟླ་འོད་སོགས་དང་གཅིག་ཡིན་པར་བཞེད་མཁན་ཡོད་པས་དཔྱད་པར་བྱ། དཔེར་ན། སྡེ་སྲིད་སངས་རྒྱ་མཚོས་མཛད་པའི་སྨན་གྱི་ཁོག་འབུབས་ལས། 1 ༼ཤ༡༤༠༽ ཀུ་ས་སྨན་པ་གྲགས་པས་སྤ་གྲོ་བཅལ་སོགས་ནས་ཆོས། …

ངེས་པ་དོན་གྱི་རྣལ་འབྱོར་བ་ཆེན་མོ༧རྒྱལ་ཚབ་འཇིགས་མེད་རིག་པ་སྨྲ་བའི་དབང་ཕྱུག་མཆོག་ལ་བསྟོད་ཚིག་དད་གསུམ་རྒྱས་པའི་སྙན་འཇེབས་པི་ཝང་དཀར་པོའི་རང་སྒྲ་ཞེས་བྱ་བ་བཞུགས་སོ།

། ཀ་དག་སྐྱེ་མེད་སྟོང་པའི་རང་རྩལ་ཨེ་མ་སྣང་བའི་བོན་དབྱིངས་ལས།། ཁ་དོག་འོད་ལྔའི་མཚན་དཔེ་ལྷུན་འགྲུབ་མ་འགག་སྣང་བ་གཟུགས་ཀྱི་སྐུ།། ག་དར་རྒྱལ་སྲས་སེམས་དཔའི་སྒྱུ་འཕྲུལ་རྣམ་རོལ་ངེས་དོན་རྣལ་འབྱོར་ཀྱེ།། ང་ཡི་སྤྱི་གཙུག་ནམ་མཁའི་ཁྱོན་དུ་མི་འབྲལ་རྒྱུན་དུ་བཞུགས་སུ་གསོལ།། ། ཅ་ཅོའི་རྟོག་དཔྱོད་འབད་པ་མ་ཡིན་འཁོར་འདས་མཉམ་ཉིད་དབྱིངས་སུ་གྲོལ།། ཆ་ཚང་ཐེག་པའི་བསླབ་གསུམ་ཨུཏྤལ་འདོད་ཁམས་ཡུལ་དུ་རབ་བཞད་ཅིང་།། ཇ་མདངས་ངུར་སྨྲིག་ཚུལ་ཙམ་སྟོན་ཞིང་ཡེ་ནས་སངས་རྒྱས་མིའི་གཟུགས་སྤྲུལ།། ཉ་གང་ཟླ་བའི་ཐུགས་བསྐྱེད་ཡངས་མོས་མཁའ་ཁྱབ་འགྲོ་ཀུན་བཟུང་ཞིང་བརྩེ།། ། ཏ་ཐཱ་ག་ཏའི་བསྟན་པའི་སྙིང་པོ་ཐེག་པ་བླ་མེད་ཨ་རྫོགས་སྙན།། ཐ་མ་ལྔ་བདོའི་དུས་ཀྱི་མཐའ་རུ་ལྟ་སྒོམ་ལྷུན་པོའི་ཡང་རྩེར་སོན།། ད་ལྟའི་རྒྱལ་གཤེན་གསུང་གི་བསྟན་པའི་ཁང་བཟང་འདེགས་པའི་ཀ་རིང་ཉིད།། ན་མོ་མཛད་བཟང་ཙན་དན་དྲི་བསུང་ཕྱོགས་མེད་རྒྱལ་ཁམས་ཀུན་ལ་འཐུལ།། ། པ་ཊུའི་དབུས་ནས་འཛུམ་ཞལ་ཟླ་བའི་དཀྱིལ་འཁོར་དཔལ་བེའུ་མིག་མང་རྒྱས།། ཕ་རོལ་ཕྱིན་བཅུས་ཐུགས་རྒྱུད་གཏམས་པས་གཞན་གྱིས་ཟླ་བྲལ་སྲིད་ན་འཕགས།། བ་རྒྱའི་མ་རིག་དུག་ལྔའི་སྒྲིབ་ལས་ལུང་དང་རྟོགས་པས་གདོད་ནས་བརྒལ།། མ་དག་ལམ་ཁྱེར་གདམས་ངག་ཟབ་མོ་བརྒྱུད་འཛིན་ཁྱུ་མཆོག་རྒྱལ་བའི་སྲས།། ། ཙ་ཀ་ལི་བཞིན་མཚན་དཔེས་རབ་མཛེས་ཅ་དག་ཚུལ་ཁྲིམས་རྨད་དུ་བྱུང་།། ཚ་ཟེར་དཀྱིལ་འཁོར་རྫོགས་པ་ལྟ་བུའི་མཁྱེན་པའི་གཟི་བྱིན་ཀུན་ལ་འབར།། ཛ་ཡའི་བསྟན་པའི་སྲོག་ཤིང་སྙིང་པོ་མདོ་སྔགས་ལྟ་བ་མཐོ་ཞིང་བརྗིད།། ཝ་ལེར་བསམས་ན་སྟོང་གསུམ་སྟོང་གི་འགྲོ་འདྲེན་ཡོངས་ཀྱི་ཡང་རྩེ་འོ།། ། ཞྭ་མདོག་རྩོད་པའི་སྐྱོན་བྲལ་རིས་མེད་གསང་གསུམ་ཡོན་ཏན་རྒྱ་མཚོའི་གཏེར།། ཟ་ཟིའི་སྒྲོ་སྐུར་མུ་སྟེགས་ལྟ་བའི་ཚིག་འཁྲི་འབུམ་པས་བསྒྲུན་མེད་གསུང་།། འ་འུར་བསྙད་པའི་ལྔ་བརྒྱའི་དུས་འདིར་རིམ་གཉིས་ཟབ་མོའི་གཞི་མ་བརྟན།། ཡ་མཚན་གླིང་འདིར་མཚན་དཔེ་བལྟམས་ཏེ་གསང་ཆེན་རྣལ་འབྱོར་ཞེས་སུ་གྲགས།། ། ར་མ་ལུག་གི་ལྟ་སྤྱོད་མཐའ་བྲལ་དམིགས་མེད་ཐུགས་རྗེས་འགྲོ་ཀུན་ཁྱབ།། ལ་ལུང་ངེས་མེད་རིགས་དྲུག་གསོ་བའི་བླ་མེད་སྦྱིན་པའི་རྒྱ་མཚོ་ལས།། ཤ་ཚའི་ཉམ་ཐག་མཁྱེན་བརྩེའི་ནོར་བདུན་རོ་མངའི་བདུད་རྩིས་འདོད་འཇོ་བའི།། ས་གསུམ་འཕགས་ཆེན་དྲི་མེད་སྙིང་པོའི་རྒྱལ་ཚབ་གསུམ་པ་ཨ་འཇིགས་ཞེས།། ། ཧ་ཅང་ཚད་མེད་རྣམ་བཞིའི་ཡུ་བ་བརྟན་ཅིང་འགྲོ་དྲུག་མ་རུ་གཟིགས།། ཨ་དོན་བོད་ཉིད་མཐའ་བྲལ་ཆེན་པོར་མཁྱེན་དཔྱོད་རིག་པས་རྩེ་གཅིག་གཞོལ།། ཨ་ཧོ་གང་སྐུ་བདག་ཉིད་སྤྱོད་པ་མས་འཛེག་བྱང་ཆུབ་སེམས་པ་ལགས།། ཧ་ལོ་དཀར་པོའི་མཆོད་སྤྲིན་དྭངས་མ་བདེ་ཆེན་ཞིང་ནས་བཞེས་སུ་གསོལ།། ། ཞེས་བསྟོད་ཚིག་མེ་ཏོག་བརྒྱད་ཅུ་འདི་ཉིད་སྐྱབས་མཆོག་བླ་མའི་ཞབས་འོག་ཏུ་ཡུན་རིང་འཚོ་བ་བསྐྱལ་བའི་སུམ་ལྡན་བླ་མའི་སློབ་འབངས་སུ་གཏོགས་པའི་ཐ་ཤལ་བ་སྐར་འོད་ཀྱིས་བར་དོའི་ཁྲིད་ལུང་ཞུ་སྐབས་སུ་དད་པ་ལྷང་གིས་སྐྱེས་ཏེ་སོར་བཅུའི་པད་མོ་སྤྱི་བོར་ཟླུམ་སྟེ་སུག་བྲིས་སུ་བགྱིས་པ་དགེའོ།།

རྗེ་རྒྱལ་རོང་བ།

རྗེ་རྒྱལ་རོང་བ། ། ༡༽ མདོ་སྨད་རྒྱལ་མོ་རོང་གི་ཡུལ་སྟེགས་ཅོག་ཅེས་པར་ཕྱི་ལོ་༡༣༥༦ལོར་གཟུགས་སྐུའི་མེ་ཏོག་འོད་དུ་འབར། སྐབས་དེར་ཨ་མ་རིན་ཆེན་སྨན་དང་། ཨ་ཕ་ཀླུ་རྒྱལ་གཉིས་ཀྱི་ངོ་གདོང་དུ་འཁྱིལ་བའི་དགའ་སྤྲོ་དང་འཛུམ་མདངས་ནི་སྤྱིར་བཏང་གི་བྱིས་པ་ཆུང་ཆུང་ཞིག་འཇིག་རྟེན་དུ་སྐྱེས་པ་ཙམ་ལས་གསེར་གྱི་ཕ་བོང་ཆེན་པོ་ཞིག་ཁྱིམ་ཚང་དཀྱུས་མ་འདིའི་ཁྱིམ་དུ་འཛུལ་བ་ཁོང་གཉིས་ཀྱིས་ཏན་ཏན་ཤེས་མེད། །

སྙིགས་དུས་ཀྱི་བསྟན་པའི་སྒྲོན་མེ་ཆེན་པོ་ཡོངས་ཀྱི་སློབ་དཔོན་ ༧ རྒྱལ་ཚབ་ཤེས་རབ་ཀུན་བཟང་བློ་གྲོས་དཔལ་བཟང་པོ་རིན་པོ་ཆེ་མཆོག་ལ་རྣམ་ཐར་གྱི་སྒོ་ནས་བསྟོད་པ་དད་པའི་དགའ་སྟོན། །

 ། ༧ བླ་མ་དང་ཤེས་རབ་སྨྲ་བའི་སེང་གེ་དབྱེར་མ་མཆིས་པ་ལ་གུས་པས་ཕྱག་འཚལ་ལོ། ། ། རྒྱལ་ཀུན་མཁྱེན་པའི་ཡེ་ཤེས་གཅིག་བསྡུས་ཟུར་ཕུད་ལྔ་ལྡན་སྨྲ་བའི་སེང་། ། སྙིང་རྗེ་ཆེན་པོས་མ་རུངས་འདུལ་ཕྱིར་ཁྲོ་བོའི་གར་བཞེངས་ལྷ་རྒོད་ཐོག ། འདྲེན་པ་ཆེན་པོ་ངུར་སྨྲིག་གར་རོལ་ཀུན་བཟང་བློ་གྲོས་དབང་གི་རྒྱལ། ། ཞབས་ཀྱི་པད་མོར་དུས་ཀུན་འདུད་དོ་བདག་སྙིང་ཟེའུ་འབྲུར་བརྟན་བཞུཌ་གསོལ། ། །

རྩ་བའི་བླ་མའི་གསོལ་འདེབས་ཀྱི་འགྲེལ་བདེ་ལེགས་ཀུན་འབྱུང་སོགས།

  རྩ་བའི་བླ་མའི་གསོལ་འདེབས་ཀྱི་འགྲེལ་བདེ་ལེགས་ཀུན་འབྱུང་། ། ཨེ་མ་ཧོ། རབ་འབྱམས་ཕྱོགས་བཅུའི་རྒྱལ་བ་སྲས་བཅས་ཀྱི།། མཁྱེན་བརྩེའི་ཡེ་ཤེས་ངོ་བོ་གཅིག་བསྡུས་པ།། ཟབ་རྒྱས་གཤེན་བསྟན་སྤེལ་བའི་འཕྲིན་ལས་ཅན།། ལུང་རྟོགས་བསྟན་པའི་ཉི་མ་རྟག་འཆར་ཤོག།། ། ………..ཅེས་ལན་གཅིག་དད་དམ་གཡོ་བ་མེད་པའི་ངང་ནས་ཞལ་ནས་བསྒྲགས་པ་ཙམ་གྱིས་འཁོར་བ་དོང་སྤྲུག་ནུས་ཤིང་ཉམས་རྟོགས་ཡེ་ཤེས་རང་འབར་དུ་འབྱུང་བར་ངེས་པའི་གསོལ་འདེབས་འདི་ནི།   ལྷར་བཅས་སྲིད་ཞི་གཉིས་ཀྱི་གཙུག་རྒྱན་དམ་པ།  རང་ཅག་བོན་འབངས་ཀུན་གྱི་འདྲེན་པ་ཆེན་པོ།