[ནང་དོན་གནད་བསྡུས།] དཔྱད་རྩོམ་འདིར་དུས་རབས་བརྒྱད་པའི་དུས་ཀྱི་དབའ་བཞེད་བྱ་བའི་ཡིག་རྙིང་གི་ཕྱི་མོ་གང་ཡིན་ལ་དཔྱད་ཞིབ་ནན་ཏན་བྱས་པ་བརྒྱུད་ཡིག་རྙིང་དེ་དང་འབྲེལ་བ་ཡོད་པའི་མྱང་དང་དབའ་ཡི་རུས་རྒྱུད་རྙིང་བ་གཉིས་ཀྱི་འགལ་འདུ་དང་། དེ་རྣམས་ཀྱི་ལྟ་གྲུབ་མི་མཐུན་པའི་གྱེས་པ་གཉིས་ལ་བརྟེན་ནས་དབའ་བཞེད་བྱ་བའི་ཡིག་རྙིང་ལ་ཞབས་བཏགས་སྣ་ཚོགས་ཇི་ལྟར་བྱུང་བའི་སྐོར་དང་། དེ་འབྲེལ་གྱི་མཁས་པ་ཕྱི་མ་རྣམས་ཀྱིས་དབའ་བཞེད་བྱ་བའི་ཡིག་རྙིང་ལ་ངོས་འཛིན་དང་དེའི་སྐོར་ལ་མཐུན་མི་མཐུན་གྱི་བཞེད་ཚུལ་ཇི་ལྟར་བྱུང་ཚུལ་སོགས་ཅུང་ཟད་ཞིབ་པར་བརྗོད་ཡོད། ཅེས་གསལ་བ་ལྟར་དཔྱད་རྩོམ་ཆ་ཚང་ལ་གཟིགས་འདོད་ན་ཟུར་གྱི་ཡིག་དམར་ཐོག་ཏུ་ནོན། དུས་རབས་བརྒྱད་པའི་དུས་ཀྱི་(དབའ་བཞེད་)བྱུང་འཕེལ་གྱི་སྐོར་ལ་ཞིབ་མོར་དཔྱད་པ།  

སྟོན་པ་ཤཱཀྱ་ཐུབ་པས་རང་གི་ཁྱིམ་རྒྱུད་ཡལ་ཞིང་དོར་ནས་ནགས་དགོན་དཀའ་ཐུབ་ཀྱི་ལས་སུ་ཞུགས་ཏེ་མུ་སྟེགས་སྟོན་པ་སྡེ་དྲུག་སློབ་དཔོན་དུ་བསྟེན་ནས་འཁོར་བ་ལས་ཇི་ལྟར་ཐར་བའི་ལམ་དང་ཤེས་བྱ་སོགས་ལ་བསླབས་ཅིང་སྦྱངས། འདི་ལྟ་བུས་ནི་སྟོན་པ་ཤཀྱ་ཐུབ་པའི་བསམ་བློའི་རྨང་གཞི་གང་ཡིན་པ་དེ་ཉིད་རྒྱ་གར་གྱི་གདོད་མའི་ཆོས་ལུགས་དང་མུ་སྟེགས་སྟོན་པ་དྲུག་གི་བསམ་བློ་ལས་བྱུང་བ་ཞིག་ཡིན་པར་མཐོང་ཐུབ།

།       བོད་དང་བོན་གྱི་ཆོས་ལུགས་ལོ་རྒྱུས་གཙང་མ་དང་ལྷད་མེད་ཅིག་བཤད་པ་ལ་སྟོན་པ་གཤེན་རབ་མི་བོ་ཆེ་ནི་མེད་དུ་མི་རུང་བའི་མི་སྣ་ཞིག་ཡིན་ཞིང་། མི་སྣ་དེ་ཡིས་བོད་དང་བོན་གྱི་ཆོས་ལུགས་ལོ་རྒྱུས་སྟེང་གཞལ་ཐབས་མེད་པའི་འགངས་ཆེའི་གནས་བབས་བཟུང་ཡོད་པར་བརྟེན།་གཤེན་རབ་མི་བོ་ཆེའི་བྱུང་རིམ་དང་། དེ་འབྲེལ་གྱི་ཤེས་རིག་ལོ་རྒྱུས་ལ་ཕྱོགས་རིས་བྲལ་བའི་སྒོ་ནས་ཤེས་རྟོགས་དང་ཉམས་ཞིབ་གང་ནུས་བྱ་རྒྱུ་ནི་གཡོལ་ཐབས་མེད་པའི་ལས་འགན་ཞིག་རེད་སྙམ། གལ་སྲིད་ནང་དོན་འདི་དང་འབྲེལ་བའི་ཕྱོགས་སུ་ཤེས་རྟོགས་དང་རྒྱུས་མངའ་ཅུང་ཟད་ཙམ་ཡང་བགྱིད་མ་ཐུབ་པ་ཡིན་ན། བོད་དང་བོན་གྱི་ཤེས་རིག་གི་ནང་དོན་གཙང་མ་དང་ཡང་དག་ཅིག་རྟོགས་ཐབས་མེད་པ་ནི་སྨོས་མ་དགོས་པ་ཞིག་རེད། /

སྔོན་བྱོན་མཁས་པའི་དེབ་ཐེར་ལས་བྱུང་བའི་སྤྲེའུ་དང་བྲག་སྲིན་གྱི་ངག་རྒྱུན་ལ་དཔྱད་པ། །       གངས་དཀར་ཤེལ་གྱི་མཆོད་རྟེན་གྱིས་ཡོངས་སུ་བསྐོར་བའི་ལྗོངས་ཆེན་པོ་འདིར་ལས་ལ་བརྩོན་ཞིང་དཔའ་ངར་ལྡན་པའི་བོད་མི་དམངས་འཚོ་གཞེས་བྱེད་ཐུབ་པ་ནས་བཟུང་། ཁོ་ཚོས་རང་ཉིད་ཀྱི་འཛད་མཐའ་མེད་པའི་ཐབས་དང་ཤེས་རབ་ཀྱི་ལག་ཟུང་ལ་བརྟེན་ནས་རང་བྱུང་ཁམས་ཆེན་པོ་ལ་འཐབ་རྩོད་དང་རང་བྱུང་ཁམས་ཀྱི་ངོ་མཚར་བའི་སྣང་ཚུལ་སྣ་ཚོགས་ཀྱི་ཕུགས་རྩ་འཚོལ་ཞིབ་བྱེད་པའི་བྱ་རིམ་ནང་།

ཞང་ཞུང་གི་གྲགས་ཆེ་བའི་རྒྱལ་རབས་བཅོ་བརྒྱད་ཀྱི་ཐོག་མ་ཁྲི་ཝེར་གསེར་གྱི་བྱ་རུ་ཅན་དུ་གྲགས་པ་དེའི་རྒྱལ་ས་ནི། གངས་ཆེན་པོ་ཏི་སེའི་མདུན། རི་སྤོས་ངད་ལྡན་གྱི་རྩ་བ། མཚོ་མུ་ལེ་ཁྱུད་ཀྱི་ཉེ་འགྲམ། ག་ལྗང་གཡུ་ལོ་རྫོང་མཁར་ཞེས་བྱ་བ་དེ་ཡིན་ཞིང་རྒྱལ་པོ་འདི་ནི་གཤེན་རབ་མི་བོ་ཆེའི་དངོས་སློབ་དང་བོན་གྱི་བསྟན་པའི་སྦྱིན་བདག་ཁྱད་པར་ཅན་ཞིག་ཡིན་ལ། ཁོང་གིས་གངས་ཏི་སེའི་མདུན་ཞོལ་དུ་གསས་ཁང་ནོར་བུ་སྤུངས་རྩེགས་ཞེས་བྱ་བ་ཞིག་བཞེངས། དེང་དུས་ཀྱི་དབང་དུ་བྱས་ན༼རྒྱང་གྲགས་དགོན༽ཞེས་པ་འབྲི་གུང་བཀའ་བརྒྱུད་པའི་ ཆོས་རྒྱུད་ཀྱིས་ཟིན་པའི་དགོན་གཞིས་ཆུང་ངུ་ཞིག་ཡོད་པ་དེ་ཡིན་ནོ།།