རྫོགས་པ་ཆེན་པོའི་རྒྱུད་སྡེ་ཆེན་པོ་བཞི་ལས་གཉིས་པ་རྫོགས་ཆེན་བསྒྲགས་པ་སྐོར་གསུམ་ནི། སྟེང་ལྷ་ཡུལ་དུ་བསྒྲགས་པ་དང་། བར་མི་ཡུལ་དུ་བསྒྲགས་པ། འོག་ཀླུ་ཡུལ་དུ་བསྒྲགས་པ་དང་གསུམ་མོ། དེ་རེ་རེ་ལ་རྒྱུད་ལུང་མན་ངག་གསུམ་གསུམ་རེ་ཡོད་པས། སྟེང་ལྷ་ཡུལ་དུ་བསྒྲགས་པའི་སྐོར་ལ།
སྨྲ་དབང་ཡོངས་འཛིན་མཆོག་སྲིད་པའི་ཏོག་ཡིན། ཚིག རྔ་རང་རིག དབྱངས། ཨ་མདོའི་ཕོ་ཉ། ལེན་མཁན། ཨ་མདོའི་ཕོ་ཉ། ། སྐྱིད་པའི་གཞིས་ཁྱིམ་ཞིག་རྒྱབ་ལ་བསྐྱུར་ནས།། དོག་མོའི་འཕྲང་རིང་ཞིག་འཕྲེད་ཀྱིས་བཅད་དེ།། རེ་བ་གསོན་པོ་ཞིག་རུམ་ལ་ཉར་ནས།། རྒྱུས་མེད་མྱི་ཡུལ་ན་ཁྱིམ་གཞིས་བསྐྲུན་སོང་།། རིན་པོ་ཆེ་་་་་བཀའ་དྲིན་ཆེ་་་་་་་་་་ ། མི་ཡུལ་ས་མཐའ་དེ་ས་མཐའ་རུ་ངེས་ཀྱང་།། ལྟོ་གོས་གཏམ་གསུམ་གྱི་འཚོ་བ་སྤངས་ཏེ།། ཟས་སྐྱ་གོས་ཧྲུལ་གྱི་འཚོ་བའི་ཀློང་ནས།། ཉམ་ཐག་སློབ་བུའི་ཚོགས་དྲོད་ཀྱིས་བསྐྱངས་སོང་།། རིན་པོ་ཆེ་་་་་ཐུགས་རྗེ་ཆེ་་་་་་་་་ ། ཐོབ་དང་གོ་ས་ལ་ཐུགས་འདོད་མེད་ཀྱང་།། བྱམས་བརྩེའི་གཟི་འོད་ཀྱིས་ས་གཞི་ཁྱབ་ཏེ།། སློབ་ཚོགས་སྟོང་ཕྲག་གི་གཙུག་གི་ནོར་བུ།། སྨྲ་དབང་ཡོངས་འཛིན་མཆོག་སྲིད་པའི་ཏོག་ཡིན།། རིན་པོ་ཆེ་་་་བརྟན་བཞུགས་གསོལ་་་་་་ ། སྔོན་གྱི་མེས་པོ་ཚོའི་རྔུལ་ཆུས་གྲུབ་ཅིང་།། རིགས་ཞེན་རྒྱལ་བློན་ཚོའི་སྲོག་གིས་སྲུང་བའི།། གངས་ཅན་གདོང་དམར་བའི་ཕ་ཆོས་དག་མ།། ཡངས་པའི་ཁྱོན་ཀུན་ཏུ་སྤེལ་བར་རྨད་དོ།། རིན་པོ་ཆེ་་་་་་བརྟན་བཞུགས་གསོལ་་་་་་
ནང་དོན་གནད་བསྡུས། རྩོམ་འདིར་སྐྱེ་འགྲོ་སྲོག་དབུགས་ཀྱིས་བསྡུས་པའི་འགྲོ་བ་ཡོངས་ཀྱི་རྒྱུད་ལ་ཡོད་པའི་བླ་ཡིད་སེམས་གསུམ་གྱི་སྐོར་ནས་རྒྱལ་བའི་བཀའ་དང་འཕགས་པའི་ལུང་རྣམས་ཀྱི་དགོངས་དོན་ཟབ་མོ་རྣམས་བསྡུས་ཤིང་སྐྱེ་དགུ་འགྲོ་བའི་བདེ་སྡུག་ལེགས་ཉེས་ཐམས་ཅད་ནི་བླ་དར་གུད་ལ་རག་ལས་པས་དང་པོ་བླ་ཡིད་སེམས་གསུམ་གྱི་འབྱུང་ལུགས་དང་། གཉིས་པ་བླ་ཡི་ངོ་བོ་དང་བྱེད་ལས་བླ་དེ་ཉམས་ན་དར་བའི་ཐབས་བླ་བསླུ་སོགས་ཀྱིས་རྟེན་གྱི་གང་ཟག་དེ་བླ་ཚེ་ཉམས་པ་དང་བདེ་སྐྱིད་དབང་ཐང་ཉམས་པ་རྣམས་གསོ་ཐབས། བར་ཆོད་དགྲ་བགེག་བྱད་མས་མཐུ་གཏད་ཅིང་བླ་འཕྲོག་པ་དང་ཚེ་ཟད་འཆི་བའི་དུས་སུ་གཤེད་མས་བླ་ཁྱེར་བ་དེ་དག་འགུག་སྒྲོལ་སྤོར་གསུམ་ལ་སོགས་ཐབས་ཁྱད་པར་ཅན་གྱིས་བླ་ཡིད་སེམས་གསུམ་རྟེན་གཅིག་ཏུ་བསྡུས་ནས་བདེ་གནས་དང་ཐར་ལམ་ལ་བཀོད་ཚུལ། གསུམ་པ་སེམས་དང་ཡིད་ཀྱི་ངོ་བོ་དང་དབྱེ་བ་བྱེད་ལས་སོགས་ངོས་འཛིན་བྱས་ཡོད།
། [ནང་དོན་གནད་བསྡུས།] དཔྱད་རྩོམ་འདི་ནི་སྡེ་ཚན་གཉིས་སུ་བགོས་ཏེ་གྲུབ་པ་ཞིག་ཡིན་ཅིང་། སྡེ་ཚན་དང་པོར་མཚན་ཉིད་རིག་པ་དང་ཚད་མ་རིག་པ་གཉིས་རྩ་བའི་ཆ་ནས་དོན་མི་གཅིག་ཚུལ་གླེང་ནས། མཚན་ཉིད་རིག་པའི་འགོ་ཁུངས་ལ་དོགས་སློང་རོབ་ཙམ་བྱས་ཤིང་། སྤྱིར་ཚད་མ་རིག་པ་དང་བྱེ་བྲག་བོད་ཀྱི་ཚད་མ་རིག་པའི་ཁུངས་སོགས་ལ་དཔྱད་ཞིབ་བྱས་ཡོད༑ སྡེ་ཚན་གཉིས་པར་ཕྱིས་སུ་དུས་རབས་བཅུ་ལྔ་པའི་ནང་བོད་ཀྱི་མཁས་པ་དག་གིས་ཚད་མ་རིག་པའི་དགོས་ཆེད་ཀྱི་ཐད་ནས་དགག་སྒྲུབ་མཛད་ཚུལ་དང་འབྲེལ། བོད་ཀྱི་ཚད་མ་རིག་པའི་དགོས་པ་ལ་དཔྱད་གླེང་བྱས་ཤིང་དམིགས་བསལ་གནའ་བོའི་བོད་ཀྱི་ཚད་མ་རིག་པ་གཏན་ལ་ཕབས་པའི་དགོས་ཆེད་ནི། གཙོ་བོ་ཞང་བོད་ཀྱི་ཤེས་རིག་རྫོགས་པ་ཆེན་མོའི་ལྟ་སྤྱོད་དམ་གནས་ལུགས་གཏན་ལ་འབེབ་པའི་ཐབས་སམ་ལག་ཆ་རུ་ཁྱེར་ཡོད་ཚུལ་སོགས་དཔྱད་ཞིབ་ཅུང་ཟད་བྱས་འདུག ། [བརྡ་ཆད་གཙོ་བོ།] ཚད་མ་རིག་པ། ཚད་མ་རིག་པའི་ཁུངས། དགོས་ཆེད།
༧ སངས་རྒྱས་རྒྱུད་གསུམ་གསང་སྔགས་ཟབ་མོའི་བོན། ། དེའི་ཚུལ་མ་རྨོངས་གོ་རྟོགས་སྐྱེད་བྱེད་པ། ། རྒྱལ་ཀུན་སྤྱི་གཟུགས་ཡོངས་འཛིན་སྨྲ་བའི་སེང་། ། བྱང་ཆུབ་བར་དུ་ཁྱོད་ཉིད་བདག་སྐྱབས་མཆིའོ། ། ། ༧ ཡིན་ཚུལ་མ་བཅོས་སེམས་ཉིད་བོན་གྱི་སྐུ། ། སྣང་ཚུལ་མ་འགག་ལོངས་སྤྱོད་རྫོགས་པའི་སྐུ། ། ཤར་ཚུལ་མ་ངེས་སྣ་ཚོགས་སྤྲུལ་པའི་སྐུ། ། སྐུ་གསུམ་བདག་ཉིད་གསང་མཆོག་ཡི་དམ་ལྷ། ། ། ༧ ཡིད་འོང་དཔལ་འབར་སྣ་ཚོགས་རྒྱན་གྱིས་མཛེས། ། བདེ་སྟོང་རིག་པའི་གཏེར་མཛོད་དངོས་གྲུབ་མཆོག ། ཀྱེ་མ་འོད་མཚོ་མཁའ་འགྲོའི་བདག་ཉིད་ཆེ། ། ཚུལ་འདི་བཤད་ལ་དྷ་ཀིས་གནང་བསྩོལ། །